Монголын Урлагийн зөвлөл Францын зохиолч Шарль Перрогийн алдарт “Үнсгэлжин” үлгэрийн зохиолоор сонгодог урлагийн бүтээл туурвих “Үнсгэлжин” хүүхдийн балетыг толилуулахаар болсон байна.
“Үнсгэлжин” хүүхдийн балет ирэх дөрөвдүгээр сарын 10-нд 14.00, 18.00 цагаас, 11-нд 14.00 цагаас тус тус Соёлын төв өргөөнд болох нь ээ. “Үнсгэлжин” балет нь манай улсад 1980-аад оноос тоглогдоогүй өдий хүрсэн байна.
Дэлхийд алдартай бүжгэн жүжгийг дахин Монголын тайзнаа тавихаар ОХУ-ын Театр урлагийн их сургуулийн балетмейстер Э.Долгормаа санаачлан, Монголын Урлагийн зөвлөл, “UB Ballet” балетын сургууль, Хөгжим, бүжгийн коллежтой хамтран Ариг Банк, “Төгөлдөр” сангийн санхүүжилтээр тайзнаа дахин амилуулахаар болжээ.
Эх сурвалж: new.mn
