Оюутолгой ордын ихэнхи хувийг эзэмшдэг “Айвехоу Майнз” компаний гүйцэтгэх захирал асан Роберт Фрийдланд алдартай хэрнээ нууцлаг хүн юм. Түүний нэр хувьцаа, хөрөнгийн зах зээл, уул уурхайтай байнга холбоотойгоор дурдагдаж байдаг ч чухам хэн бэ гэдгийг төдийлөн мэддэггүй. 24tsag.mn уул уурхайн магнат, тэрбумтан Р.Фрийдландын тухай 24 баримтыг хүргэж байна.1. Роберт Фрийдланд 1950 оны наймдугаар сарын 18-нд АНУ-ын Иллинойс мужийн Чикаго хотод төрсөн. Одоо 62 настай. 2. Эцэг эх нь АНУ-д цагаачилж ирсэн бөгөөд доороо хоёр дүүтэй, айлын том хүүхэд байжээ. 3. 1970 онд Боудойн коллежид сурч байх үед нь түүний өрөөнөөс LSD гэх харт тамхий төрөл олджээ. Өрөөнд нь байсан хар тамхи нь тухайн үед 100 мянган доллараар үнэлэгдэж байв. 4. Хар тамхи хадгалсан гэж буруутгагдан хоёр жил шоронд ял эдэлж байжээ. Р.Фрийдландыг хар тамхины хэрэгт холбогдсон даруйд нь сурч байсан Боудойн коллежоос хөөсөн байна. 5. Харин шоронгоос гарч ирээд 1974 онд Орегон мужийн Рийд коллежид сурч, улс төрийн шинжлэх ухааны чиглэлээр эрдмийн зэрэг хамгаалжээ. 6. Рийд колллежид сурч байхдаа оюутны зөвлөлийн дарга байсан. 7. Р.Фрийдланд нь Америк, Канад, Сингапур гэсэн гурван улсын иргэншилтэй аж. 8. Залуу байхдаа хиппичүүдийн бүлгэмд багтдаг байсан тухай албан ёсны намтарт нь бий. 9. Түүнийг гэргийг Дарлине гэдэг. Гурван хүүхэдтэй. Гэсэн ч гэр бүлийнх нь нэг ч зураг  “хязгааргүй” интернет орон зайд байдаггүй аж. 10. “Apple” компанийг үндэслэгч Стив Жобс түүний тухайд “Фрийдланд уурхайн ажлаараа байгаль орчинд хохирол учруулсан гэж буруутгагдаж байсан. Тиймээс нэг удаа ерөнхийлөгч асан Билл Клинтонд хэлж, холбож өгөхийг хүссэн. Гэхдээ би ямар ч хариу өгөөгүй” гэжээ. Стив Жобсын намтар номыг бичсэн зохиогч “энэ үйлдэл нь авлига өгөх оролдлого” байсан тухай дурджээ. 11. Стив Жобс: “Тэр өөрийгөө ямагт ариун гэгээн хүн гэж төсөөлдөг байсан. Гэхдээ тэр зарим шугамыг давж “луйварчин” гэдэг олдмол араншинтай болсон”. 12. Робер Фрийдланд хамгийн анх Канадын Voisey"s Bay никелийн ордод олборлолт хийж, уул уурхайн магнат болох замаа эхэлжээ.  Тэрбээр энэ уурхайгаа 1996 онд 3,1 тэрбум доллараар зарж чадсан нь тухайн үедээ шуугиулж байв. 13. Тэрбээр “Voisey"s Bay бол зууны хагасыг эзэлсэн тийм том олборлолт байсан. Магадгүй бүтэн зууны туршид агууд тооцогдоно” гэж бахархах дуртай аж. Р.Фрийдландын бахархал бол уул уурхайн эзэнт гүрэн нь. 14. Р.Фрийдландын жилийн нийт орлого 2,8 тэрбум доллар. 15. “Forbes” сэтгүүлээс түүнийг дэлхийн тэрбумтнуудын жагсаалтын  546-д оруулжээ. 16. Харин АНУ-ын тэрбумтнууд дунд 188-д бичигддэг байна. 17. Р.Фрийдланд гэгч эрхэм 20 жилийн турш “Ivanhoe Capital” корпорациар дамжуулан Азийн номхон далайн бүсийн орнуудад “гар дүрж” байна. 18. Хөрөнгийн зах зээл дээр заль хэрэглэж, хүссэндээ хүрдэг. Мөн компаниудыг задалж зардаг тул түүнд хэвлэлийнхэн “хорт Боб” гэдэг нэр өгчээ. 19. Тэрбээр 1994 онд байгуулагдсан “Айвенхоу Майнз” компанид салбарын захирлаас эхлээд гүйцэтгэх захирал хүртэл ажиллаж байсан. 20. АНУ-ын Саммитвилли уурхайд хайгуул, олборлолт хийж байхдаа их хэмжээний цианит натри хэрэглэж байгаль орчныг нь бохирдуулсан тухай Wikipedia.com сайтад бичжээ. Уг уурхай 1990 онд хаагдсан ч уурхайгаас 17 милийн тойрогт байдаг гол мөрний ус “аюултай” хэмжээнд бохирдсон байжээ. 21. "Айвенхоу" компаний Мяанмар дахь уурхайн үйл ажиллагаа  байгаль орчныг доройтуулж, хортой арга, технологи хэрэглэж байсан бодит баримтыг олон эх сурвалжууд дурддаг. Р.Фрийдландыг уурхайг эзэмших хэлэлцээр хийх үед Мяанмарын улс төрийн байдалд тогтворгүй байсан аж. 22. Түүний “Айвенхоу Майнз” компани Монголын Оюутолгойн ордын 64 хувийг эзэмшдэг. Гэсэн ч “Айвнехоу Майнз”-ын хяналтын эрхийг Австралийн “Рио Тинто” компани гартаа аваад байна. 23. Р.Фрийдландын ойрмогхон авахуулсан зураг олддоггүй. Байр, машин, эхнэр хүүхэд нь юу хийдэг тухай мэдээлэл ховор байдаг. Харин Монголын Оюутолгой ордыг “Рио Тинто”-д алдаж байгаа тухайг нь дэлхий нийт сөхөн бичиж байна. 2012 оны 4-р сарын 18-нд Монголд хэд хэдэн ашигт малтмалын лиценз эзэмшдэг “Айвенхоу Майнз” компаний гүйцэтгэх захирлын албан тушаалаас огцорсон. Түүнийг Оюутолгой төслийг алдсан тул суудлаас нь буулгажээ. 24. Гэлээ гээд “хорт Боб” газардахгүй. Түүнд олон тэрбум долларын хөрөнгөөс гадна цөөнгүй “нууц” компаниуд бий. Р.Фрийдландыг уул уурхайн “тоглоом”-оос гарах болоогүй гэж салбарынхан нь хэлсээр байгаа юм. Чухам дараагийн тэсрэлт хийсэн нүүдэл нь юу байх бол гэдэг олон нийтийн сонирхлыг татаж байна. 24tsag.mn