НАТО-гийн гишүүн орнууд зүүн Украин дахь салан тусгаарлагчидтай тэмцэхэд туслах зорилгоор зэр зэвсэг нийлүүлэх болсон байна. Энэ тухай тус улсын Батлан хамгаалахын сайд Валерий Гелетей мэдэгдсэн байна. Гэвч тэрбээр чухам ямар төрлийн зэвсгийг аль улсаас нийлүүлэхээр болсон тухай тодорхой мэдээлэл өгөөгүй аж. Өмнө нь үүнтэй төстэй мэдээлэл гарч байсан боловч АНУ тэргүүтэй НАТО-гийн таван гишүүн орон үүнийг үгүйсгэж байсан юм. Энэ удаад ч мөн НАТО энэ талаар ам нээхгүй байгаа бөгөөд гишүүн бус оронд зэвсэг нийлүүлэх төлөвлөгөөгүй байгаа гэжээ.
Эх сурвалж: new.mn
