Орхон аймгийн Худалдан авах ажиллагааны газар нь төрийн болон орон нутгийн өмчийн байгууллагын дарга, нягтлан бодогч, худалдан авах ажиллагаа хариуцсан мэргэжилтэн, сургууль, цэцэрлэгийн захирал, эрхлэгч нарт “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль” болон түүнтэй холбогдох дүрэм, журмын талаар сургалтыг 2025 оны 01 дүгээр сарын 31-ний өдөр Нутгийн удирдлагын ордны А.Амарын танхимд 10:00-12:00, 15:00-17:00 цагийн хооронд 2 удаа тус тус зохион байгуулан ажиллаа.
Сургалтын нээлтэд аймгийн Засаг дарга Б.Зоригтбаяр нь төрийн болон орон нутгийн өмчийн байгууллагын дарга нарт хандан Төрийн хэмнэлтийн тухай хуульд зааснаар 2025 онд хэрэгжих, төсөл арга хэмжээний худалдан авах ажиллагааг 05-р сарын 31-ний дотор бүрэн дуусгах ёстой. Энэ хугацаанд худалдан авах ажиллагааг зохион байгуулж дуусаагүй бол санхүүжилтыг төсвийн хэмнэлтэд тооцохоор хуульд заасан.
Иймд худалдан авах ажиллагааг түргэн шуурхай зохион байгуулж, хууль журмыг мөрдөж, тендер шалгаруулалтыг хариуцлагатай шуурхай зохион байгуулахыг аймгийн Засаг дарга Б.Зоригтбаяр үүрэг болголоо.
Сургалтад нийт 202 Төрийн байгууллагын дарга, ажилтан, албан хаагч нар хамрагдав.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.