Аймгийн ИТХ-ын анхдугаар хуралдаанаар Их Залуу багт дахин төлөвлөлтөөр орон сууцжуулах, Ерөнхий боловсролын дунд сургууль, цэцэрлэг барих хэсэгчилсэн ерөнхий төлөвлөгөөг баталсан. Их Залуу баг нь Яргуйт, Шанд, Рашаант, Уртын гол багуудын уулзварт байдаг. Тус багийн 40,8 га газарт 6,9 давхар 3200 айлын орон сууц барихаар төлөвлөөд байна. Дээрх төсөл хэрэгжих инженерийн шугам сүлжээ, ус дулаан, цахилгаан, шилэн кабелийн нөхцөл боломжийг бүрдүүлэх юм. Орон сууцны бүсэд 15,2 га, засаг захиргааны байгууллагын бүсэд 0,96 га, сургууль, цэцэрлэгийн бүсэд 5 га, худалдаа үйлчилгээний бүсэд 5,3 га газрыг зориулахаар хэсэгчилсэн төлөвлөгөөнд тусгажээ. Их Залуу багт хийх дахин төлөвлөлтийн бүтээн байгуулалтыг 2042 он хүртэл хийх аж. Энэ ажлын хүрээнд тус багт 1200 хүүхдийн ерөнхий боловсролын сургууль, 240 хүүхдийн цэцэрлэг барихаар төлөлвлөсөн байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ErdenetNews.mn хариуцлага хүлээхгүй.