Аймгйин Засаг даргын шуурхай дээр Хотын захирагчийн албаны дарга С.Ганцогт мэдээлэл хийсэн. Түүний мэдээллээс харвал байрны айл өрхүүдийн халаалт муу байгаа, зарим төрийн байгууллага халаалтгүй байгаад Эрдэнэт Ус, дулаан түгээх сүлжээ компанийн удирдлага, Ерөнхий инженер буруутай. Тэд ажлаа мэдэхгүй байна, хийхгүй байна. Засаг даргын нөөц хөрөнгө, болон бусад зардлаас асуудлыг шийдэрлүүлэхээр хөрөнгө мөнгийг гаргадаг боловч ажил хийдэж байгаа тухай нэлээн хатуухан шүүмжилсэн. Энэ асуудлаар “Эрдэнэт ус, дулаан түгээх сүлжээ” ОНӨҮГ-ын дарга Б.Бүүвэйбаатараас хэвлэлийнхэн байр суурийг нь сонирхсон юм.

Тэрбээр “Бодлого барьж байгаа газрын дарга ийм гэнэн мэдэгдэл хийж болохгүй. Бодлого барьж байгаа газар тулааныг ямар зарчмаар, ямар дүрэм журмын хүрээнд өгдөг гэдгийг эхлээд зөв ойлгочих хэрэгтэй. Эрдэнэтийн Дулааны цахилгаан станц бодит мэдээллийг өгөх хэрэгтэй. Дулаан, цахилгааны эрчим хүчний салбарууд 30 хувийн алдагдалтай байгаа нь үнэн. Энэ нь өдрийн температурт тааруулж горимыг нь барьж байгаа учраас айлууд даарч байгаа. Хоёрдугаар,  дулааны станц 96 градус өглөө гэхэд бид үсрээд л 50 градусд өгөх ёстой. Температур нь тэгж таардаг юм. Тэр горимоор нь айл өрхүүдэд өгөхөөр айл өрхүүд даараад байгаа юм. Ганц нэг газарт доголдол бий. Дээр үеийн тоног төхөөрөмжүүд муудсан. Айл өрхүүд даараад байна. Яагаад даараад байна вэ гэхээр Дулааны станц зуухны өргөтгөл өнгөрсөн жил хийсэн. Энэ хүрээнд гадна температурыг маш сайн барина гэж байгаа. Ядахдаа өдөр шөнийнхөө градусын голын шугамыг барьж сурмаар байгаа юм. Өдөр -10 байхад өдрийн -10 аа бариад шөнийн -20 дээр  нэмэхгүй байна гэдэг гол асуудал байна. Манай иргэд иймэрхүү байдал жил болгон гарна гэдэгт дасах хэрэгтэй. Бүүр болохгүй газрууд дээр бид ялтас нэмнэ. Манай дулааны хэсэг энэ жил 800 сая төгрөгийн алдагдалтай гарч байна. Яагаад гэвэл эрчим хүчний систем алдагдал ихтэй байгаа учираас бид маш их зардал нэмж гаргаж байгаа. Гэтэл ИШС маань өөрөө ихэнх нь хугацаа нь дууссан, муудсан учир иймэрхүү асуудал үүсч байгаа юм. Дээрээс нь манай Дулааны станц алдагдал ихтэй байгаагаа хүлээн зөвшөөрч байна гээд байдаг. Энэ мэдээллээ ард түмэндээ өгөх хэрэгтэй. Тэрнээс нь болоод нүүрсний нөөц байхгүй байгаа, чанарын шаардлага хангахгүй нүүрстэй байгаа нь үнэн шүү дээ. Гэтэл температурыг нэмэх асуудал дээр нэгэнт эрчим хүчнээс ийм алдагдалтай байгаа  учраас горимоо алдаж байна гэж байгаа бол яаж гэдгийг нь өөрөө олох л хэрэгтэй. Дулааны станц дээр хамгийн хүндрэлтэй байгаа зүйл бол Наран багийн цэцэрлэгт өгч байгаа дулаан бараг 20 хэмээр дутуу өгч байгаа. Яагаад гэвэл шугам нь хол, температур нь бага. Бид ялтас нэмээд иргэдийн хохирол, гомдлыг барагдуулах гэж үзэж байна. Ер нь гадна талдаа 90 градустай ч ирж байгаа ч хасах 5-аас доош байх юм бол горимоо бариад иргэдийн хүсч байгаа тэр дулаанд очиж чадахгүй ээ гэдгийг манай иргэд мэдэж авах хэрэгтэй. Хуучин Дулааны станцаас шууд тэжээгдээд явж байхдаа нэмэх 10 градусаа барьдаг байсан бол энэ жил дулааны эрчим хүчний чиглэл алдагдалтай байгаа учир энэ горимыг барьж чадахгүй байгаа.  Тиймээс манай иргэд даараад байна. Хурдхан шиг л гадаа хүйтрээсэй, тэгвэл манай иргэдийн даарах асуудал байхгүй болно гэж л хэлье дээ. Дулааны станц маань бас бодит мэдээллийг зөвөөр өгчих хэрэгтэй, өөрсдөө гэмгүй царайлаад суух биш. Ер нь эрчим хүчний салбар алдагдалтай байгаа энэ мэдээллийг иргэдэд зөвөөр өгөх хэрэгтэй” гэлээ.