Саяхан хуралдсан аймгийн ИТХ-ын Тэргүүлэгчдийн хурлын үеэр тэргүүлэгч, Хот тохижуулах газрын дарга Р.Рагчаа өвөлжилтийн бэлтгэлийг сайн хийсэн байна, манайхан онц ажиллажээ. Та нартаа баярлалаа гэж ирээд учиргүй баярлаж гялайснаа илэрхийлсэн. Эрдэнэтийн 100 мянган хүний өмнөөс Засаг дарга Г.Зоригт, В.Сумъяасүх нарт гүн талархаж байгаагаа илэрхийлэх эрх эрхэм даргад байдаг бололтой. Энэ өдрийн хурлын үеэр МАН-ын төлөөлөл Д.Дэлгэрбаяр эрх баригчдын ажилд багагүй шүүмжлэл хэлж, Ш.Ганбат тэргүүлэгч ч мөн тоглоом шоглоомоор егөөдөөд авсан. Тэгэхээр л “сайн ажиллаад байхад” гэсэн шиг намынхаа нөхөдөө учиргүй өмөөрч, бялдууч наймаачин шиг баярлаж гялайснаа хэлсэн нь хөндлөнгөөс тун ч хөөрхийлөлтэй харагдаж байсан шүү.