Монгол Улсын Засгийн газраас 2019 оныг “Иргэн төвтэй, үр дүнд чиглэсэн төрийн үйлчилгээг төлөвшүүлэх” жил болгон зарласан билээ. Засгийн газрын шийдвэрийг хэрэгжүүлэхийн тулд  Мэргэжлийн хяналтын ерөнхий газраас улсын хэмжээнд дөрөвдүгээр сард байгаль орчин, дэд бүтэц, хөдөлмөрийн аюулгүй байдал, эрүүл ахуйн чиглэлээр  аян зарлаж байна.  Аймгийн Мэргэжлийн хяналтын газраас сарын аяны хүрээнд аж ахуйн нэгж, байгууллага, иргэдэд чиглэсэн хууль тогтоомж сурталчлах, салбарын сургалт зохион байгуулах, зөвлөмж хүргэх, хэрэглэгчийн хяналтын хуудас болон шилэн хяналтын системийн портал ашиглалтын талаар мэдээ, мэдээлэл өгөх зэрэг олон арга хэмжээг хэрэгжүүлэхээр төлөвлөжээ.  Сарын хугацаатай аяны нээлтийн арга хэмжээг дөрөвдүгээр сарын 3-ны өдрийн 14.00 цагт Хүүхдийн ордонд зохион байгуулах гэж байна.