Афганистаны ерөнхийлөгчийн сонгуулийг будилаантай болсон гэж үзээд, дахин шалгахаар болж байна. Уг саналын хуудсыг НҮБ-ын ажиглагчид тоолох юм байна. Энэ ажлыг Кабулд 24 цагийн хугацаанд явуулж дуусгах ажээ.  Ерөнхийлөгчид нэр дэвшигч Абдулла Абдулла болон  Ашраф Гани Ахмадзай, одоогийн ерөнхийлөгч Хамид Карзай нар  хэлэлцээрийн явцад саналын хуудсыг дахин тоолохыг зөвшөөрсөн байна. Тус улсын бие даасан Сонгуулийн комиссийн урьдчилсан мэдээгээр  ерөнхийлөгчийн сонгуульд Ашраф Гани Ахмадзай 56,44% саналаар ялж, өрсөлдөгч Абдулла Абдулла 43,56% хувийн саналаар удаалсан юм.