Украины Северск хот өнгөрсөн гуравдугаар сард салан тусгаарлагч нарын гарт орсон билээ. Тэгвэл тус улсын армийхан Северск хотын Засаг захиргааны байрыг эзэлж, Украины төрийн далбааг мандуулсан тухай Батлан хамгаалахын сайд Валерий Гелетей мэдэгдсэн байна. Оросын хэвлэлүүдийн дамжуулсанаар дээрх хотыг эзлэх үеэр долоон цэрэг амиа алдаж, 15 иргэн хүндээр гэмтсэн. Салан тусгаарлагч нар хотын төв хэсгээс ухарсан ч хил орчимд байршаад байгаа гэжээ. Батлан хамгаалах сайдын мэдэгдсэнээр “Северск хотын хил орчимд салан тусгаарлагч болон босогч нар байршаад байгаа нь асуудал биш. Армийхан Северск хотыг амжилттай чөлөөллөө. Украинд тун удахгүй энх цаг ирнэ” гэж хэлжээ.