Холливүдийн хамгийн сайхан хосуудын нэг болох жүжигчин Анжелина Жоли, Брэд Питт нар хамтарч хоёр дахь киногоо бүтээхээр болжээ. Энэ тухай Мальта Улсын Ерөнхий сайд Жозеф Муската мэдэгдэв. Киноны зураг авалт Мальта Улсад хийгдэх гэнэ. Хос жүжигчид өнгөрсөн сард зураг авалт хийгдэх Гоцо арал дээр очиж үзсэн байна. Жоли, Питт болон тэдний зургаан хүүхэд ирэх сарын сүүлээр Мальта арал дээр очих бөгөөд тэнд хоёр сар амьдрах аж. Жоли, Питт нарын оролцон тоглох шинэ кино романтик харилцааны түүхийг өгүүлэх юм. Кино зохиолыг Жоли өөрөө бичсэн ажээ.