“Уурхайчин” соёлын ордны Их танхимд  анх удаагаа гэж хэлж болох ТВ-ийн ярилцлага боллоо.  “Unread Media”-гийнхан ТВ-ийн “Би хэрхэн ажилладаг вэ” ярилцлагын нэвтрүүлэг хийдэг. Түүнийг нь “Unread” -ийн үүсгэн байгуулагчдын нэг, ерөнхий редактор н.Ганзориг тайзан дээрээс ярилцлагаа хөтлөн явуулсан юм. “Уурхайчин”-д цугласан үзэгчдийн хувьд энэ удаагийн ярилцлагын оролцогч болох Х.Эрдэнэбаяр хамгийн сонирхолтой “объект” байлаа. Х.Эрдэнэбаяр бол Эрдэнэт хотын унаган иргэн ажээ. Бүр тодруулбал тэрбээр Эрдэнэт хотод анх мэндэлсэн 10 хүүхдийн нэг нь гэнэ. Тэр тусмаа Х.Эрдэнэбаяр нь арванхоёрдугаар сарын 31-нд мэндэлжээ. Тэрбээр өнөөдөр техник технологийн салбар болох дижитал паблейшн орчинд тун амжилттай ажиллаж байгаа шинэ цагийн залуусын нэг юм. Ингээд хөтлөгч н.Ганзоригийн “Би хэрхэн ажилладаг вэ” ярилцлагын зочин “M-plus” аплекейшнийг үүсгэн байгуулагч Х.Эрдэнэбаяр нарын ярилцлагыг уншигчидаа бүрэн эхээр нь хүргэж байна. Эрдэнэтээр овоглосон ийм нэг залуу хэрхэн хөдөлмөрлөж, амжилтанд хүрч чадсаныг та бүхэн үзээрэй. Ийм амжилтанд хүрсэн ч гэсэн “Би хүнд туслах дуртай. Түүнээсээ маш их эрч хүч авдаг” хэмээн ярьж байгаа Х.Эрдэнэбаярын ярилцлагаас энэ цагийн залуус нэгийг бодож хоёрыг тунгаах биз ээ. https://youtu.be/5c_IGIWLgmM https://youtu.be/yhOQ0iX5kbM https://youtu.be/ih2AUu2h3xk Пүрэв гарагийн үдэш нэг ийм арга хэмжээнд оролцож чихээ нээсэндээ үнэндээ баярласан. Өнөөгийн манай шинэ цагийн залуус ямар мундаг юм бэ хнэмээн өөрийн эрхгүй тэднээр бахархсан. Арга хэмжээг хөтөлсөн хөтлөгч нэг удаа “Энэ танхимд 40-өөс дээш насны хүн байна уу. Гараа өргө дөө” гэхэд ганц нэгийн зэрэг хүн гараа өргөж харагдсан. Энэ үдшийн Их танхимыг Эрдэнэтийн залуус үнэндээ эзэгнэжээ. Залуусын дунд суугаад тэдний амжит, алдаа онооны түүхээс сонсож, Монголын залуусын ирээдүй ямар гэгээн, нээлттэй байгааг мэдрээд үнэндээ баярласан. Шинэ цагийн давалгааг өрнүүлж байгаа залуусын хийж бүтээснийг сонсож, үзэж харж чадаагүй 40-өөс дээш насны ахмадуудын дундаас харин ч азтай байсан бидний цөөн хэдэн “хууччуул”-ын атганд энэ үдэш азын шоо буусан нь энэ байж. Ийм арга хэмжээг анх удаагаа зохион байгуулж Эрдэнэтийн залууст шинэ мэдээ, мэдлэг, шинэ боломж, шинэ давалгааг түүчээлэн хүргэж ирсэн  “Эрдэнэт хотын хөгжил, бодлого, судалгааны хүрээлэн” ТББ-ын тэргүүн, Засгийн газрын Хэрэг эрхлэх газрын дэд дарга Б.Бат-Эрдэнэ, ”Unread Media”-гийн үүсгэн байгуулагчид, “Unread”-ийн үүсгэн байгуулагч А.Ундрал, Б.Танан нар болон энэ оройны арга хэмжээг зохион байгуулагчдад талархаснаа илэрхийлье.