Вьетнамын нийслэл Ханой хотын ойролцоо өнгөрсөн даваа гаригт цэргийн нисдэг тэрэг осолджээ.Ослын улмаас 16 хүн амиа алдаж, 5 хүн бэртэж гэмтсэн байна. Дээрх хүмүүс бүгд цэргийн албан хаагчид байсан бөгөөд сургалтын зориулалтаар ашиглаж байсан Ми-171 онгоц Так Дат дүүргийн ойролцоо осолдсон талаар албаны хүмүүс мэдээлжээ.
Ослын шалтгааныг генерал Во Ван Туан “BBC” агентлагт өгсөн ярилцлагандаа техникийн гэмтэл байсан гэж мэдэгдсэн байна. Гэрчүүдийн ярьснаар онгоц ойролцоох зах болон иргэдийн орон сууц дээр унаж болзошгүй байсан хэдий ч нисгэгч өөр зүг рүү залуурдан эцэст нь газар мөргөн онхолдсон аж.
