Эрхэм хүндэт Орхон аймгийн иргэд та бүхэндээ Хүннү гүрний 2223 жил, Их Монгол улс үүсэн байгуулагдсаны 808 жил, Ардын хувьсгалын 93 жилийн ойн их баяр наадмын мэндийг дэвшүүлье.
Монголын Хувьсгалт Залуучуудын Эвлэлийн илгээлтээр анхлан ирж манай улсын уул уурхайн түүчээ болсон Эрдэнэт хотыг бүтээн байгуулсан илгээлтийн эздийн 40 жилийн ой, Баян-Өндөр сумын 20 жилийн ой энэ жил тохиож байгаад баяртай байна. Эрдэнэтчүүд та бүхэн эр бяраараа эзэн байж, эрмэг хурдаараа эрэлхэг нь байж, эрхий мэргэнээрээ түрүүнд нь байж, дэлгэр зуны наадмаа дэнж хотойтол сайхан наадаарай.
УИХ-ын гишүүн О.Содбилэг
