Орхон аймагт  энэ хичээлийн жилд  1400 гаруй хүүхэд ЭЕШ-нд орж байна. Шалгалт ерөнхий боловсролын дөрөвдүгээр сургуулийн хичээлийн төв байранд энэ сарын 16-20-ны хооронд болов. Эдгээр шалгуулагчдын 130 гаруй нь өмнөх хичээлийн жилийн төгсөгчид юм. Засгийн газрын Хэрэг эрхлэх газрын дэд дарга Б.Бат-Эрдэнийн санаачилгаар улсын хэмжээнд ЭЕШ-ыг Ховд, Орхон аймгуудад шинэ технологи болох компьютерийн аргаар явуулж байна. Үүний дагуу шалгуулагчдын шалгалтын материалыг газар дээр нь шууд засаж танилцуулсан юм. Мөн энэ жил шалгалтыг цагдаа, тагнуулын газрын хяналтанд дор нууцын зэрэглэлтэй явуулж байна Энэ жилийн төгсөгчид болон эцэг эхчүүдийн хувьд анх удаагаа ЭЕШ-ийг манай аймагт шинэ технологиор явуулсанд ам сайтай байлаа. Харин зарим нэг иргэний хувьд хүүхэд нь санасандаа хүртэл дүн, оноо авч чадаагүйд бага зэрэг бухимдаж байсан. Төгсөгчдийн хувьд шинэ технологи нэвтрүүлсэн явдалд сэтгэл хангалуун байж дүнгээ, оноогоо, өөрийн чансаагаа богино хугацаанд мэдэж: чадсанд талархаж байсан юм. Засгийн газрын Хэрэг эрхлэх газрын дэд дарга Б.Бат-Эрдэнийн санаачлагаар өнгөрөгч дөрөвдүгээр сард Орхон аймагт Байгалийн ухааны төрөлжсөн хичээлийн олимпиадыг энэ технологиор явуулсан. Шалгуулагчдаас С.Сувданчимэг үнэмлэхүй амжилт тогтоож Боловсрол, шинжлэх ухаан, спортын сайд тэргүүтэй албаны олон хүний анхаарлыг татсан юм. Тэрбээр Улаанбаатарын хүүхдүүдээс ч хол илүү өндөр оноо авсан юм. Цаашид дан ганц ЭЕШ гэлтгүйгээр аливаа уралдаант шалгаруулалтыг ийм шинэ технологиор явуулбал шалгуулагчид болоод тэдний ар гэрийнхэнд ч сэтгэл зүйн аливаа дарамтгүй, цаг хугацаа, хөрөнгө мөнгө үрэхгүй ажил болж байна. [sgmb id="1"]