Өсвөр насны хүүхдүүд ахуйн хэрэглээний гааз үнэртэж байгаад амь насаа алдсан хэрэг ойрын хугацаанд хоёр ч удаа гарчээ. Дөрөвдүгээр сарын 26 болон тавдугаар сарын 4-5-нд шилжих шөнө 15, 17 настай хоёр хүүхэд гэр орондоо ахуйн гааз үнэртэж байгаад амь насаа алдсан талаар аймгийн цагдаагийн газраас албан ёсны мэдээлэл өгсөн юм. Энэ хоёр хэргийг шалгаж байгаа агаад дэлгэрэнгүй мэдээлэл өгөх боломжгүй аж. Дээрх хоёр тохиолдолд өсвөр насныхан дэлгүүрээс ахуйн хэрэглээний гааз худалдан авч түүнийгээ үнэртсэнээс амь насаа алдсан болох талтай гэнэ. Аймгийн Засаг даргын 2013 оны А/52 тоот захирамжаар аймгийн хэмжээнд насанд хүрээгүй хүүхдүүдэд ахуйн хэрэглээний гааз худалдаалахыг хориглосон байна. Өсвөр насны хүүхдийн эцэг, эх, асран хамгаалагчид хүүхэд багачууддаа тавих хараа хяналт сул байдаг зэрэг нь ийм нөхцөл байдалд хүргэж байгааг цагдаагийнхан анхааруулж байна.