Зориулалтын дагуу газраа ашиглаагүй иргэдийн газрыг тавдугаар сарын 1-нээс хураана. Засаг даргын шуурхай хуралдаанд Баян-Өндөр сумын засаг дарга С.Ганцогт ийнхүү мэдэгдлээ. Ойн нөхөрлөл нэрээр бизнесийн үйл ажиллагаа явуулж байгаа газруудад шаардлага хүргүүлсэн байна. Ойн нөхөрлөл нэртэй ч амралтын газарт баар, ресторан ажиллуулж байгаа хүмүүст шаардлага хүргүүлсэн ч хүлээж авахгүй байгааг Баян-Өндөр сумаас онцоллоо. Цаашид Баян-Өндөр суманд ойн нөхөрлөлийн гэрээг шинээр хийхгүй гэдгээ мэдэгдлээ.
Мөн энэ үеэр Баян-Өндөр сумаас газар эзэмшихтэй холбоотой мэдээллийг хийлээ. Газар авсан иргэд хашаагаа бариагүй, зориулалтын дагуу ашиглаагүй тохиолдолд тавдугаар сарын 1-нээс эхлэн газрыг хураах ажил хийхээр болсон байна.[sgmb id="1"]
