“Эрдэнэт үйлдвэр” ХХК-ийн Дулааны станцыг 48 Мвт-аар өргөтгөсөн ёслолын ажиллагааны бас нэгэн гэнэтийн бэлэг нь шинээр ашиглалтад орсон дөрвөн турбин генераторыг ашиглалтад оруулах ёслол байв. Энэхүү дөрвөн турбин генератор ажиллаж эхэлснээр “Эрдэнэт үйлдвэр” дулааны эрчим хүчний хэрэглэгч байсан бол үйлдвэрлэгч болж үйлдвэрийн эдийн засагт гэлтгүй энгийн нэгэн уурхайчны цалинд ч үр өгөөжөө өгөх үнэт зүйл юм. Шинээр ашиглалтад орох дөрвөн турбин генераторыг ажиллуулах анхны товчлуур дарах эрхэм үүрэг УИХ-ын гишүүн, Засгийн газрын гишүүн, Эрчим хүчний сайд Ц.Даваасүрэнд ногдож тэрбээр ажиллуулах команд өгснөөр “Эрдэнэт үйлдвэр”-ийн үйлдвэрлэлийн түүхийн хуудаснаа үлдэх үйл явдлын бас нэгэн гэрч боллоо. [sgmb id="1"]