Аймгийн Засаг дарга Д.Батлут Шанд, Даваат багийн иргэдтэй уулзаж, тэдний санал, хүсэлтэд хариулт өгөх үеэр нэгэн хачирхалтай асуудал дэгдсэн байна. Энэ нь БОЭТ-ийн Яаралтай тусламжийн эмч жирэмсэн эмэгтэйд эх барихын тусламж үзүүлж чадаагүй тухай яриа гарчээ. Түргэний машинд хүүхдийнх нь толгой цухуйчихсан байхад их эмч айж сандран утсаар ярихаас өөр юу ч хийж чадаагүй гэнэ. Гэтэл иргэний хамгаалалт, улаан загалмайн анхан шатны сургалтанд суусан н.Давхарбаяр эцэг хүний, эр нөхрийн үүргээ биелүүлж, хүүхдээ эх барьж авсан байна. Түргэний машинд нярайлсан эмэгтэй ухаан алдахад, мөн л нөхөр нь яаралтай тусламж үзүүлж эхнэр, хүүхдийнхээ амь насыг аварчээ.                        Эхнэр, хүүхдийнхээ амийг аварсан Шанд багийн иргэн н.Давхарбаяр Шанд багийн иргэн н.Давхарбаярыг хүний амь нас аварсан үйлсээр нь “Шударга журам” медалиар шагнахад багадахгүй ч Анагаахын дээд боловсролтой их эмч эх  барихын эмнэлгийн дунд боловсролын тусламж үзүүлж чадахгүй байгаа нь аймшигтай.  Энэ хариуцлагагүй асуудалд БОЭТ-ийн захирал Д.Батсүх хариулахдаа “Харин ч манай түргэн тусламж 14 минутанд багтаж очсон. Ганцхан яаралтай тусламжийн эмч гэлтгүй БОЭТ-ийн хэмжээнд туршлагагүй залуу эмч олон ажиллаж байгаа. Түргэний машинд нярайлсан тохиолдол он гараад хоёр удаа гарлаа” гэсэн нь бүр ч аймшигтай мэдээлэл болсон байна. Учир нь чадваргүй эмч нараар Эрдэнэтийн эмнэлэг дүүрсэн гэдгийг захирал нь баталчихлаа. Тухайн үед эх барихын тусламжийн мэдлэггүй эцэг таарсан бол хүний амь насны асуудал яригдах байлаа. Эхнэр, хүүхдээ улаан гараараа аварсан эцэг нийтийн тээврийн автобусанд сууж, эмнэлэг рүү яарч явах үедээ 04-60 ОРХ дугаартай автобуснаас хөөгдсөнөө Засаг даргад ярьжээ. Учир нь эмнэлэг орох гэж Шандаас хөдөлсөн автобусны жолооч, кондуктор хоёр хүн дүүрэхгүй байна гээд “Баян” худалдааны төв дээр ирэнгүүтээ зорчигчдоо чирж буулгасан гэнэ. Шанд багийн иргэн н.Давхарбаяртай таарсан энэхүү хариуцлагагүй үйл явдал тохиолдвол иргэн хүн өөртөө л найдахаас өөр аргагүй юм байна.[sgmb id="1"]