НӨАТ-ын урамшууллын ээлжит сугалааны тохирол арваннэгдүгээр сарын 19-ний ням гарагт орон даяар явагдсан. НӨАТ-ын сугалааны энэ удаагийн тохирлоор 20 сая төгрөгийн нэг, 4 сая төгрөгийн 15 азтан тодорчээ. Тэгвэл энэ удаагийн сугалааны 20 сая төгрөгийн азтан нь Эрдэнэтээс тодорсон байна. Эрдэнэт хотын иргэн Ч.Булган 79369350 дугаарын сугалаагаар 20 сая төгрөгийн азтан болов. Мөн иргэн Б.Азжаргал, Д.Мандуул, Т.Баярмагнай, А.Бямбажав нар тус бүр 500 мянган төгрөг гэх мэт нийт Орхон аймгаас худалдан авалт хийсэн төлбөрийн баримтаар 169 азтан тодорсон байна. Азтангуудын эрхийн бичгийг Орхон аймгийн Татварын хэлтсээс гардуулан өгчээ. Улсын хэмжээнд явагдсан энэ удаагийн тохиролд 2017 оны 10 дугаар сарын 1-нээс 10 дугаар сарын 31-ний өдрийн хооронд худалдан авалт хийж, бүртгүүлсэн 14015480 баримт хамрагдсанаас: 500 мянган төгрөгийн 132 100 мянган төгрөгийн 1284 20 мянган төгрөгийн 12496 баримт тохирч нийтдээ 13 мянга 928 хүн азтан болжээ. Супер сугалаа буюу 50 сая төгрөгийн тохиролд 96260467 дугаар гарсан ч азтан тодроогүй тул дараагийн сард шагналын сан 100 сая төгрөг боллоо. Та азтан болсон эсэхээ ebarimt.mn сайт болон ebarimt аппликейшнаас шалгах боломжтой Аймгийн Татварны хэлтсээс НӨАТ-ын хуулийн хэрэгжилтийг эрчимжүүлэх чиглэлээр цахим төлбөрийн баримтын системд холбогдоогүй, нэгдсэн системд холбогдсон хэдий ч төлбөрийн баримт олгохгүй байгаа, цахим төлбөрийн баримтыг зөрчилтэй олгосон бизнес эрхлэгч хувь хүн, хуулийн этгээдийн хууль зөрчсөн зөрчлийг арилгуулах, хууль тогтоомжийг тайлбарлан таниулах ажлыг зохион байгуулж байна. Манай аймгийн хэмжээнд 2017 оны 11 дүгээр сарын 22-ны өдрийн байдлаар Нэмэгдсэн өртгийн албан татварын нэгдсэн системд холбогдсон нийт 1933 цэгт төлбөрийн Е баримт олгогдож байна.[sgmb id="1"]