МАН-ын 28 дугаар Их хурал маргааш буюу арваннэгдүгээр сарын 20-ны даваа гарагт эхэлнэ. Хоёр өдөр үргэлжлэх энэ удаагийн намын Их хурлаар 96 жилийн түүхтэй МАН-ын хувьд намын даргаа шинээр сонгох, намын Бага хурлын гишүүдийг сонгох, намын Мөрийн хөтөлбөртөө өөрчлөлт оруулах зэрэг олон чухал асуудлыг хэлэлцэх аж. Энэ удаагийн намын хуралд манай аймгаас 23 хүн төлөөлөгчөөр сонгогдсон байна. МАН-ын 28 дугаар Их хурлын төлөөлөгч сонгох журам зэрэгт заасны дагуу намын үүрийн гишүүдийн тоо зэргийг харгалзан төлөөлөгчөө сонгожээ. Ингээд МАН-ын 28 дугаар Их хуралд манай аймгаас сонгогдсон төлөөлөгчдийг танилцуулъя. Говил багаас МАН-ын үүрийн дарга н.Энх-Амгалан Баянцагаан багаас Баян-Өндөр сумын ИТХ-ын дарга Д.Баасансүрэн Наран, Зэст багаас аймгийн ИТХ-ын төлөөлөгч Б.Отгонбат Оюут багаас аймгийн ИТХ-ын төлөөлөгч М.Байгалмаа Согоот багаас аймгийн ИТХ-ын төлөөлөгч Б.Мөнхнасан Хүрэнбулаг багаас УИХ-ын гишүүн Д.Дамба-Очирын бие төлөөлөгч Ц.Цэцэгээ Уртбулаг багаас аймгийн ИТХ-ын төлөөлөгч Д.Бүүвэйбаатар Бүрэнбүст багаас аймгийн ИТХ-ын төлөөлөгч В.Адъяа Рашаант багаас аймгийн ИТХ-ын төлөөлөгч Д.Батбаяр Даваат багаас аймгийн ИТХ-ын төлөөлөгч Л.Эрхбаатар Шанд багаас аймгийн Засаг даргын орлогч С.Батжаргал Яргуйт, Уртын гол багаас “Эрдэнэт үйлдвэр” ХХК-ийн захирал Х.Бадамсүрэн Цагаанчулуут багаас аймгийн Засаг даргын орлогч А.Түвшинжаргал Дэнж багаас аймгийн ИТХ-ын төлөөлөгч Д.Ууганбаяр Эрдэнэ багаас аймгийн ИТХ-ын төлөөлөгч Д.Мөнхбат Уурхайчин багаас “Эрдэнэт Булганы цахилгаан түгээх сүлжээ” компанийн захирал С.Баярцогт Жаргалант сумаас аймгийн ИТХ-ын төлөөлөгч “Эрдэнэт үйлдвэр” ХХК-ийн Ерөнхий захирлын орлогч Д.Дэлгэрбаяр[sgmb id="1"] Булаг, Баянбулаг багаас аймгийн ИТХ-ын төлөөлөгч Б.Оюунбаяр нар сонгогджээ. Мөн УИХ-ын гишүүн Д.Дамба-Очир, О.Содбилэг, аймгийн ИТХ-ын дарга П.Пүрэвлхагва, аймгийн Засаг дарга Д.Батлут, аймгийн МАН-ын хорооны дэд дарга Д.Цолмон нар албан тушаалын дагуу шууд сонгогдсон байна. МАН-ын 28 дугаар Их хурлын зохион байгуулах ажлын хэсгээс аймгийн МАН-ын хорооны Ахмадын хорооны дарга С.Буянхишигийг урилгаар оролцуулж байгаа аж. Намын үүрээс сонгогдсон 18 төлөөлөгчийн мэдүүлгээс харвал н.Энх-Амгалан, М.Байгальмаа, Ц.Цэцэгээ, Б.Оюунбаяр нарын дөрвөн эмэгтэй сонгогджээ. Нэр бүхий 18 төлөөлөгчийн н.Энх-Амгалан, Д.Баасансүрэн, Ц.Цэцэгээ, Х.Бадамсүрэн, С.Баярцогт нараас бусад 13 нь аймгийн ИТХ-ын төлөөлөгчид байна. Эрх баригч МАН-ын хувьд түүхэн 28 дугаар их хурлын төлөөлөгчөө олон удаагийн шүүлтүүрээр шүүн сонгосон гэж байгаа ч эдний дунд жирийн намын гишүүн иргэн, энэ намын төлөө халуун залуу нас, өөрийн оюун ухаанаа зориулсан ахмадуудын төлөөлөл, нийгмийн тэргүүлэх салбарыг нуруун дээрээ үүрч явдаг эмч, багш нараас нэг ч хүн багтаагүй харагдана. Харин өнөө цагийн Эрдэнэтийн улс төрийн өнгийг тодорхойлж яваа улстөрчид түлхүү орсон нь ардаараа овоглосон Ардын намын Их хурал ард түмнээсээ хол тасарчихав уу гэж бодоход хүргэж байна. Ямар ч байсан Орхон аймгийн МАН-ын олон зуун гишүүнд нь энэхүү 18 төлөөлөгчөөс ганзага дүүрэн “бэлэгтэй” ирэхийг хүлээсээр үлдлээ.