Жүжигчин Б.Тамир цахим хуудсаараа дамжуулан эсэргүүцэл зарлаж, залуусыг "бослого"-д уриаллаа. Түүнийг бухимдуулж, бүр эсэргүүцэл зарлахад хүргэсэн зүйл бол төмөр замын нарийн цариг аж.
Тэрбээр бичихдээ "УИХ-ын 76 гишүүн рүү залгаж, эсэргүүцлээ илэрхийлье. Зүгээр сууж чадахгүй шүү. Үндэсний аюулгүй байдал улс эх орон байна, үгүй ядаад үр хүүхдээ боддоггүй юм уу. Энэ муусайнууд ойлгодоггүй юм бол эхнэр хүүхдийг нь мэддэг бол хэлж ойлгуулах юмсан. Эсэргүүцэж байна. Газрын хуулийг болиулсан шиг нарийн царигийг болиулъя. Хүмүүст түгээж, хүмүүсийг сэрээл дээ.
Муу эр дайнд хөөрнө гэж битгий бодоорой. Эртнээс эрэлхэг монголчуудын цөсийг гарах гэж ийм үг манжууд гаргасан гэдэг шүү. Яагаад ч юм надад аймшигтай санагдаж байна. Энэ хэрээс хэтэрлээ ш дээ. Залуучуудаа яагаад дүлий суугаад, харахгүй сохроод байгаа юм бэ" гэсэн байна.
