Аймгийн ИТХ-д АН гурван суудалтай. Гурван суудал авсан учраас тэд энэ удаад ИТХ дотор Бүлэг байгуулан ажилласан. ИТХ-ын төлөөлөгч Ц.Ойдов, И.Баасанжав, Д.Батхишиг  нар саяхныг хүртэл дотооддоо асуудалгүй ажиллаж, сонгогчдын өмнө хүлээсэн үүргээ биелүүлж, ИТХ-ын хуралдаан, тэргүүлэгчдийн хурал, Байнгын хорооны хурал зэрэгтээ сууж байсан. Есдүгээр сарын сүүлчээр аймгийн ИТХ дахь АН-ын Бүлгийн даргаар И.Баасанжавыг сонгосон тухай аймгийн АН-ын хорооны албан ёсны байр суурийг дарга Д.Алтанхуяг хурлын дарга П.Пүрэвлхагвад танилцуулсан. Түүнээс хойхно Ц.Ойдов “Би бүлгийн дарга хэвээрээ байгаа” гэсэн мэдэгдлийг хэвлэлээр хүргэсэн. Тэгвэл АН-ын Бүлгийн гурав дахь гишүүн Д.Батхишиг аймгийн ИТХ дахь АН-ын Бүлгийн гишүүнээсээ гарахаар болжээ. Баттай эх сурвалжийн мэдээллээс харвал Д.Батхишигийн хувьд энэхүү алхамд хүрсэн нь өөрийнх нь шийдвэр бөгөөд сөрөг хүчнийнхний өөр хоорондын үл ойлголцол түүнийг ийм байдалд хүргэсэн байх талтай. Ямар ч байсан Д.Батхишигийн хувьд тун удахгүй аймгийн ИТХ дахь АН-ын Бүлгийн гишүүнээс гарах болсон шалтгааныхаа талаар байр сууриа илэрхийлэх болов уу. АН-ын хувьд Бүлэг нь хоёр даргатай болоод байсан. Аймгийн ИТХ-ын төлөөлөгч Д.Батхишиг Бүлгээсээ гарвал аймгийн АН орон нутгийн хуралд Бүлэггүй ч болж мэдэх хэмжээнд хүрнэ. Аймгийн ИТХ-д тухайн нам, эвсэл гурав буюу түүнээс дээш суудал авсан тохиолдолд албан ёсны Бүлэг байгуулах эрх үүсдэг юм байна.             [sgmb id="1"]