[sgmb id="1"]                Хүйтний эрч наашилж, хөхүүрийн ам цаашилж байгаа намрын дунд сарын энэ цагт ургац хураалтын ажил, өвөлжилтийн бэлтгэл аймгийн хэмжээнд ид өрнөж байна. Хамгийн сүүлд аймгийн Хүнс, хөдөө аж ахуйн газраас энэ сарын 25-ны байдлаар гаргасан мэдээллээс харвал аймаг, сумын өвс тэжээлийн аюулгүйн нөөцөд 44 тн өвс, 30 тн тэжээл бэлтгээд байна. Энэ оны хувьд аюулгүйн нөөцөд 360 тн өвс, 130 тн тэжээл бэлтгэхээр төлөвлөжээ. Өвөлжилтийн хувьд хамгийн гол ажил нь малчдын өвс тэжээлийн  бэлтгэл байдаг. Аймгийн хэмжээнд малчдын төвшинд 8 мянган тонн өвс, 85 тн сүрэл, 40 тн ногоон тэжээл, 150 тн үйлдвэрийн тэжээл, 50 тн гар тэжээл, 50 тн давс, хужир шүү бэлтгэх юм. Энэ сарын 25-ны байдлаар 870 тн өвс, 23 тн сүрэл, 6 тн ногоон тэжээл, 6 тн гар тэжээл бэлтгэжээ. Энэ нь өвөлжилтийн бэлтгэлийн хувьд өвс тэжээлийн нөөцийн ердөө 11 хувь болж байгаа аж. Ургац хураалтын хувьд  есдүгээр сарын 21-ний байдлаар нийт 5280 га талбайгаас хураалт хийхээс 2563.3 га-д хураалт хийжээ. Ажлын гүйцэтгэл  48.5 хувьтай байна. Үүнд  үр тариа 2305 га-аас 2890 тонн хураасан буюу га-аас 12,5 цн авчээ. Мөн  төмс 145.3 га-гаас 1316 тонн, хүнсний ногоо 113 га-гаас 1184.8 тонныг тус тус хураан авсан мэдээтэй байна. .