Ирэх долдугаар сарын 1-нээс Эрүүгийн болон Зөрчлийн тухай хуулиуд хэрэгжиж дагаж мөрдөхөөр болсон. Эдгээр хуулиуд хэрэгжихтэй холбогдуулан Хууль зүйн яамнаас сургалт явуулж байна. Дээрх хуулиудаар төр иргэнийхээ эрхийг хамгаалсан заалтуудыг хэрэгжүүлэхээр болсон байна. Ирэх долдугаар сарын 1-нээс хэрэгжих эрүүгийн болон Зөрчлийн тухай хуулийн танилцуулгыг хэрэгжүүлэгч албан байгууллага, ажилтнуудад Хууль зүйн яамнаас сургалт хийж байна. Хуулийн өөрчлөлт, шинэчлэлтийн онцлогийг аймгийн Цагдаагийн газар, Шүүхийн шийдвэр гүйцэтгэх алба, Мэргэжлийн хяналт зэрэг холбогдох байгууллагын албан хаагчдад танилцуулж байгаа юм. Гэмт хэрэг үйлдсэн этгээд хуулийн дагуу ял шийтгэлээ эдэлдэг. Харин иргэд хохирлоо барагдуулж чадалгүй үлддэг. Иймд иргэний эрхийг хамгаалсан хуулийн шинэчлэл нэмэгдсэн байна. Захиргааны хариуцлагын тухай хуулиар зөрчилд торгууль ноогдуулдаг байсан бол Зөрчлийн тухай хуулиар гэмт хэргийн адил тооцохоор болсон. Иргэний хохирлыг барагдуулсан эсэхээс хамаарч гэмт хэргийн шийтгэлийг ноогдуулна гэдгийг мэргэжилтэн хэлж байна. Иргэдийн өргөдөлд хариу өгдөггүй албан тушаалтнуудад хариуцлага хүлээхийг сурталчлахыг төрийн захиргаа удирдлагын хэлтсээс санууллаа. Хүний зөрчигдсөн эрхийг сэргээхэд чиглэсэн хуулиудад гэмт хэргийг шийдвэрлэж байгаа эцсийн үр дүнг тодорхойлно. Зорчих эрхийг хязгаарлах, эрх хасах зэрэг шийтгэлүүд шинээр нэмэгдсэн тухай хуульч ярьж байна. Эрүүгийн болон зөрчлийн хуулийг сурталчлан таниулах сургалт энэ сарын 19-23-ныг хүртэл үргэлжилнэ. [sgmb id="1"]