Жаргалант сумын ЗДТГ нь аймгийн Аудитын шалгалтын өмнө бүдэрчээ. Аудитынхан энэ удаад тус байгууллагад Санал, дүгнэлт өгөхөөс татгалзсан байна. Шалгалтынхан татгалзсан үндэслэлдээ “2016 онд нягтлан бодох бүртгэлийн хөтлөлтийг бүрэн хийгээгүй, анхан шатны баримтын бүрдэл дутуу, тайлант онд дөрвөн нярав, дөрвөн нягтлан бодогч солигдсон зэргээс үнэн зөв санхүүгийн тайлан бэлтгэх боломжгүй болсон нь жилийн эцсийн санхүүгийн тайлан дахь үлдэгдэл, ажил үйлчилгээний дүн хэмжээ болон илчлэл тодруулга, тус байгууллагад мөрдөж байгаа нягтлан бодох бүртгэлийн бодлого, бүртгэлийн хөтлөлт, программ хангамж, дотоод хяналтын систем, гол хууль тогтоомжуудын мөрдөлтийг болон удирдлагын хийсэн томоохон тооцооллыг шалгаж, аудитын санал дүгнэлтийг дэмжих, нотлох зүйлсийг хангалттай цуглуулах боломжгүй, санхүүгийн тайланд нөлөөлөхүйц аудитын нотлох зүйл байхгүй” гэсэн байна. Тайлант жил буюу 2016 онд Жаргалант сумын ЗДТГ-т дөрвөн нягтлан бодогч, дөрвөн нярав солигдсон байна. Эдний хоёр нь Засаг дарга асан Д.Бөхтулгын үед солигджээ. Харин өнгөрөгч оны сонгуулийн үр дүнгээр Жаргалант сумын Засаг дарга болсон Б.Зоригтбаяр 2016 оны долоодугаар сараас хойш ЗДТГ-ынхаа нягтлан бодогчийг хоёр удаа, няравыг мөн л хоёр удаа сольсон ч Жаргалантынхан аймгийн Аудитын шалгалтын өмнө үзүүлэх, гартаа барих тал хуудас цаас ч үгүй байсны бурууг өмнөх удирдлага болох Засаг дарга асан Д.Бөхтулгаас нэхэхийн зэрэгцээ одоогийн Засаг “ноён” Б.Зоригтбаяраас ч нэхэх нь зүйд нийцэх байлтай. Эсвэл аудитынхан Д.Бөхтулгын үед нягтлан бодох бүртгэлийн тайлан маягт байгаагүй гээд харин шинэ дарга Б.Зоригтбаярын цагт хоёр ч удаа солигдоод байгаа нягтлан, нярав нар нь даргадаа тал цаас ч байхгүй гээд мөрөө хавчсаныг нь ч ялгаж салгах хэрэгтэй гэдгийг аймгийн ИТХ-ны төлөөлөгчид сануулж байна. [sgmb id="1"]