Аливаа улс орны хөгжлийн түүчээ нь Шинжлэх, ухаан, технологийн хөгжлийн ололт амжилтууд байдаг. Дэлхий дээр уул уурхай, ашигт малтмалын ямар ч баялаггүй атлаа хурдацтай хөгжиж байгаа улс орнууд олон бий.             Анх уул уурхайн үйлдвэр дагаж баригдсан Эрдэнэт хотын ирээдүйн хөгжлийн гол тулгуур нь шинжлэх ухаан технологийн ололт амжилтууд болох учиртай. Иймээс “Эрдэнэт шинжлэх ухаан технологийн парк” байгуулсан юм.        “Эрдэнэт шинжлэх ухаан технологийн парк” нь үйл ажиллагааны хүрээндээ гадаад, дотоодын адил төст үйл ажиллагаа явуулдаг байгууллага, шинжлэх ухааны хүрээлэнгүүдтэй хамтран ажиллах юм.         Тэгвэл өчигдөр ОХУ-ын Шинжлэх ухааны академийн Хатуу биетийн хими, механохтийн институтийн захирал, академич Ляхов Николай Захаровичаар ахлуулсан эрдэмтэд манай аймагт ирж ажиллалаа.  Тус хүрээлэн нь дэлхийн хоёрдугаар дайны үед байгуулагдсан бөгөөд анх байгуулагдахдаа Хими, металлургийн чиглэлээр судалгаа хийх зориулалтай байжээ.       Академич Ляхов Николай Захарович тэргүүтэй эдгээр эрдэмтдийг Орхон аймгийн Засаг дарга Д.Батлут хүлээн авч уулзлаа. Энэ үеэр тус хүрээлэнгийн эрдэмтэд дулааны цахилгаан станцуудаас гарч буй үнс хаягдлын химийн найрлагыг өөрчлөн авто зам барихад цементийн оронд ашиглах, элсийг шохойтой хольж шингэн шил гаргаж авах, барилгын хавтан гаргаж авах технологи, овъёосын химийн найрлагыг өөрчлөн хавтанцар хийх, дулааны цахилгаан станцуудад ашиглах боломжгүй технологийн бус нүүрсийг ашиглан хөрсний бүтэцийг сайжруулах бордоо гаргаж авах зэрэгт хамтран ажиллах боломжтой гэдгээ илэрхийлж, цаашид хамтын ажиллагаагаа улам өргөжүүлэхээр боллоо. Эх сурвалж: Erdenet.mn/Мэдээллийн төв [sgmb id="1"]