Аймгийн Засаг даргын шуурхай дээр уламжлал ёсоор өнгөрсөн долоо хоногт хийгдсэн томилгоонуудыг танилцууллаа.Эрдэнэт хотын захирагчийн албаны даргын үүргийг түр орлон гүйцэтгэгчээр М.Түмэнжаргалыг томилсон байна. М.Түмэнжаргал 1973 онд Завхан аймгийн Тосонцэнгэл суманд төрсөн. Эхнэр хүүхдүүдийн хамт амьдардаг. Завхан аймгийн Тосонцэнгэл сумын 10 жилийн сургууль, Санхүү, эдийн засгийн дээд сургууль, Бээжингийн хэл, соёлын дээд сургуулийг хятад хэл, соёл судлал мэргэжлээр төгссөн байна. М.Түмэнжаргал 1997-2001 онд “Эрд нар” ХХК-ийн захирал, 2001-2009 онд “Монгол шуудан” ТӨХК-ийн Орхон салбарын дарга, 2012 онд Орхон аймгийн Засаг даргын зөвлөх, 2013-2014 онд “Эрдэнэт фүүдс” компанийн төслийн нэгжийн захирал, 2016 оны дөрөвдүгээр сараас аймгийн МАН-ын хорооны орон тооны дэд даргаар ажиллаж байгаад энэ албанд томилогджээ. Тэрбээр аймгийн ИТХ-ын төлөөлөгч, Хот байгуулалт, дэд бүтцийн хорооны даргаар ажилладаг аж. Мөн аймгийн Засаг даргын тохируулагч агентлаг Шүүхийн шинжилгээний албаны даргаар цагдаагийн дэд хурандаа Б.Оюунбаярыг томилсон тушаалыг танилцууллаа. [sgmb id="1"]