Орхон аймгаас УИХ-д сонгогдон ажиллаж байсан УИХ-ын гишүүн асан, “Очир төв” ХХК-ийн ерөнхий захирал Д.Дамба-Очир амралтын өдрүүдэд Эрдэнэт хотод ажиллав. Энэ үеэрээ гэр хорооллын айл өрхөд өвлийг өнөтэй давахад нь сэтгэлийн багахан бэлэг болгон, нүүрс тараасан байна. Амьжиргааны баталгаажих түвшингээс доогуур орлоготой, өрх толгойлсон эцэг, эх, хөгжлийн бэрхшээлтэй иргэдэд нүүрс өгсөн нь иргэдийн хувьд түлээ түлшинд нь бага ч атугай тус нэмэр болжээ. “Өгөх хүн сэтгэлээсээ гэдэг” өвлийн хүйтэнд түлээ түлш муутай, цалин орлого тааруу бидэнд хэрэгтэй зүйлийг нь нүдээ олж өглөө гэж ярьж байна. Энэ удаа гэр хорооллын 7000 гаруй өрхөд Бага нуурын уурхайгаас таван вагон буюу 3500 орчим тонн нүүрс татаж, тараасан байна.