Аймгийн Онцгой комиссоос цаг үеийн асуудлаар мэдээлэл хийлээ. Гуравдугаар сарын 2-ны нислэгээр ирсэн франц иргэнтэй ойрын хавьтал, дам хавьтал бүхий иргэдийн шинжилгээний хариу бүгд сөрөг гарсан байна.
Өнөөдрийн байдлаар Эрдэнэт сувилалд гадаадын нэг, Эрдэнэтийн 4 иргэнийг ажиглалтад аваад байгаа аж. Мөн гэрийн ажиглалтад 49 иргэнийг хамруулсан талаар мэдээллээ.
Улсын Онцгой комиссын даргын тушаалаар эмнэл зүйн шинж тэмдэг илэрч эмнэлгийн ажиглалтад авах, гэрийн ажиглалтад авах журмыг тусгайлан баталсан байна. Эмнэлгийн ажиглалтад байгаа иргэд ямар дэглэм сахих, гаднаас эргэлт авахгүй, тухайн иргэний хувцасыг тодорхой хугацаанд ариутгалд оруулах гээд дэглэмийн журмыг нэлээн нарийвчлан гаргасан талаар аймгийн Эрүүл мэндийн газрын дарга Ц.Мөнхцэцэг мэдээлэл хйисэн юм.