Эрдэнэт хот гэдэг түүхэн нэрээ сэргээн авах гэж байгаа бидэнд хотоо гэсэн сэтгэл байх хэрэгтэй болов уу. Манай сайтын зүгээс нэгдүгээр микрийн 21 дүгээр байрны төв зам дагуу байрлах ханан дээрх “Бодь” даатгал компанийн сурталчилгааны самбарын талаар мэдээлсэн. Үнэхээр хэн ч харсан эвгүй, дур гутам дүр зураг байсан л даа. Тэгвэл саяхан “Бодь” даатгалын салбарынхан маань энэхүү самбараа ийнхүү шинэчилжээ. Өнөө маргаашгүй “Эрдэнэт хотын өдөр”-ийг эрдэнэтчүүд бид өргөн дэлгэр тэмдэглэх гэж байна. Хотын баярын өмнөхөн сурталчилгааны самбараа шинэчилж, хотынхоо хөгжилд хувь нэмрээ оруулсан, хотын төлөө сэтгэл гаргасан “Бодь” даатгал компанийн хамт олонд уншигчдынхаа нэрийн өмнөөс “Баярлалаа” гэж хэлье.
