[sgmb id="1"] Аймгийн хэмжээнд үйл ажиллагаа явуулдаг 10 шахам Төрийн бус байгууллагын төлөөлөл саяхан Орон нутгийн худалдан авах ажиллагааны ил тод байдлын явцтай танилцлаа. Тухайлбал, “Лебирал эмэгтэйчүүдийн оюуны сан” ТББ-ын зүгээс санаачлан орон нутагт үйл ажиллагаа явуулдаг зарим төрийн бус байгууллагатай хамтран судалгааны ажил хийжээ. Үүний хүрээнд иргэдээс йамаг, орон нутгийн Худалдан авах ажиллагааны талаарх болон, Мэдээллийн ил тод байдлын талаар судахлгаа авч дүгнэлт гаргасан байна. Мөн аймгийн худалдан авах ажиллагааны ил тод байдлын талаар Нутгийн удирдлагын ордны их танхимд ТББ-уудын оролцоотой хэлэлцүүлэг зохион явуулав. Энэ үеэр аймгийн ЗДТГ-ын дэргэдэх Өмчийн харилцааны газрын Худладан авах ажиллагааны албанаас ТББ-ынханд зориулан  Худалдан авах ажиллагааны ил тод байдлдын талаарх аймгийн мэдээлийг танилцуулсан юм.  Өнөөдрийн байдлаар “Шилэн дансны тухай хууль” бусад холбогдох хууль тогтоомжид заасны дагуу худалдан авах ажиллагаа 2013 оноос эхлэн цахимжсан нь иргэдийн хувьд мэдээллийг олж авахад давуу талтай болсон хэдий ч иргэн бүр интернэтэд орох боломж тэр бүр хангагдаагүй зэргээс харвал дутагдалтай тал байгааг ТББ-ынхан онцолж байлаа. Манай аймгийн худалдан авах ажиллагааны талаарх мэдээлэл Төрийн ухдалдан авах ажиллагааны цахим систем болох WWW.TENDER.GOV.MN сайтад байнга байршдаг ажээ. Энэ ажил 2014 оноос жигдэрсэн байна. Худалдан авах ажиллагааны Цахим системийн хоёрдугаар үе 2016 оноос  Төрийн худалдан авах ажиллагааны цахим систем нэгдсэн WWW.TENDER.GOV.MN  сайтаар төрийн бүх худалдан авах ажиллагаа зохион байгуулагдаж эхэлсэн байна. Үүнтэй холбоотойгоор 2016 оноос хойш Орон нутгийн аж ахуйн нэгж, байгууллага, иргэдэд шинэ сайтыг танилцуулах, цахимаар тендерт хэрхэн оролцох зэрэг сургалтуудыг орон нутагтаа тогтмол зохион байгуулжээ. Мөн  цахим тоон гарын үсэг e-token төхөөрөмжийг Орон нутгийн аж ахуйн нэгж, байгууллагад хүндрэл үүсгэхгүйн тулд “МонПасс СА” тоон гарын үсгийн гэрчилгээ олгогч байгууллагатай гэрээ байгуулж тоон гарын үсэг e-token төхөөрөмжийг олгож эхэлсэн аж. Төрийн худалдан авах ажиллагааны цахим систем “www.tender.gov.mn”  сайтаар Орхон аймгийн бүх худалдан авах ажиллагааг 100 хувь цахимаар зохион байгуулж байна. Иргэн,  аж ахуйн нэгж байгууллагууд нь Төрийн худалдан авах ажиллагааны цахим систем “www.tender.gov.mn” сайтаас Худалдан авах ажиллагааны төлөвлөгөө, тендерийн урилга, тендерийн нээлт, тендер шалгаруулалтын үр дүн, шалгарсан болон шалгараагүй шалтгаан зэрэг Тендэр шалгаруулалтын бүх мэдээллийг авч байгаа талаар аймгийн ЗДТГ-ын Өмчгийн харилцааны газрын Худалдан авах ажиллагааны ахлах мэргэжилтэн Б.Оюунбаяр хэлэлцүүлэгт хүрэлцэн ирсэн ТББ болон хэвлэлийнхэнд мэдээлэл хийсэн юм. Үүний зэрэгцээ “www.tender.gov.mn” сайтаас гадна дараах хэвлэл мэдээллийн хэрэгслээр Орхон аймгийн Худалдан авах ажиллагааны тендерийн талаарх мэдээллийг олон нийтэд мэдээлж байна. Үүнд, Нээлттэй тендер шалгаруулалтын урилгыг улсын хэмжээний өдөр тутмын “Монголын мэдээ”, “Өнөөдөр”, “Зууны мэдээ” сонинд нийтэлдэг байна. Мөн Гадаад хэл дээрх урилгыг англи хэл дээр хэвлэгдэн гардаг “UB POST” сонинд,  Сангийн яамны www.shilendans.gov.mn Аймгийн ЗДТГ-ын www.erdenet.mn,  Аймгийн ИТХ-ын itkh.orkhon.gov.mn, Орон нутгийн “Хотын шуудан” сонинд гаргахын зэрэгцээ Орон нутгийн өмчийн газрын Худалдан авах ажиллагааны мэдээллийн самбарт байршуулж хэвшжээ.