Аймгийн хэмжээнд өнгөрсөн зуны туршид бүтээн байгуулалтын ажил хийж байгаа. Тухайлбал, “Баян” худалдааны төвийн уулзвараас баруун тийш сүмийн уулзварт хүртэлх өргөн чөлөөний замын асьфалтыг сольсон гээд нэрлэвэл багагүй урт жагсаалт гарна. Бүтээн байгуулалтын ажилтай холбоотойгоор зарим гудамжны гэрэлтүүлэг асахгүй байгаа  талаар иргэдээс 70353511 утсанд их хандах болсон. Иргэдийн ирүүлсэн гомдлыг хэрхэн барагдуулсан талаар аймгийн Засаг даргын шуурхай дээр мэдээлдэг. Шуурхайг удирдаж байсан А.Түвшинжаргал дарга гэрэлтүүлэгтэй холбоотой асуудлаар “Эрдэнэт ус, дулаан түгээх сүлжээ” Орон нутгийн өмчит компанийн удирдлагад “Их залуу багт нэг ч гэрэл асахгүй байна. Тав, зургаадугаар хорооллын өргөн чөлөөний гэрэл асаагүй. Аймгийн хэмжээнд нийтдээ 947 гэрэл асахгүй байна. Эрдэнэт усынхан та нар юу хийж байгаа юм бэ. Гэрэлтүүлгийн тал дээр хэрхэн яаж ажиллаж байна вэ. Юм хийж байгаа юм уу” хэмээн нэлээн хатуурхсан. Шуурхайд хүрэлцэн ирсэн тус компанийн ерөнхий инженер Ч.Мягмарсүрэн “Та нар жил бүр төсвөө зохиохдоо дээшээ харж байгаад хийдэг, та нар[sgmb id="1"]. Уг нь төсөв зохиохдоо амьдрал дээр, хөрсөн дээрээ бууж байгаад хиймээр байна. Гэрлийн шон дээрх лампыг асахгүй байна гээд л байх юм. Гэтэл тэр гэрлийг асаадаг, тэр шон дээрх лампыг асаадаг газар доорх гэрлийн утас маш их муудсан байгаа. Бид өөрсдийн боломжоор өнгөрсөн хугацаанд 12 метр кабель сольсон. Газар доорх гэрлийн кабелийг солих хөрөнгийг төсөвтөө суулгамаар байна. Түүнээс биш гэрлийн шон дээрх лампыг асаах гэж манай хоёр вишк машин зай завгүй ажиллаж байгаа” хэмээн өчив. Шуурхайг даргалагч “Энэ талаарх мэдээллээ иргэдэд өг л дөө. Иргэд гудамжны гэрэл асахгүй байна. Харанхуй байна гэж гомдол ирүүлж байна. Байгаа бодит байдлынхаа талаар танай байгууллагаас мэдээлэл хий” гэснээр аймгийн хэмжээнд асахгүй байгаа 947 гэрлийн асуудал намжсан юм.