21 дүгээр зууны хамгийн удаан үргэлжлэх сар хиртэлт ирэх Баасан гарагт тохиох гэж байна.
Энэ удаа манай дэлхийн дагуул 100 гаруй минутын хугацаанд зэсэн улаан өнгөтэй болж хувирах юм. Сар хиртэлт хамгийн сайн харагдах бүс нутаг нь Ойрх Дорнод, өмнөд ба дорнод Африк, Энэтхэг, баруун болон зүүн өмнөд Ази байх бол бөмбөрцгийн баруун хагасынханд харагдахгүй гэнэ. Энэтхэгийн далайгаас энэ үзэгдэл бүтнээрээ харагдах юм.
Хиртэлт ажиглагдах хугацаа нь нийтдээ 6 цаг 13 минут бол сар бүхэлдээ дэлхийн сүүдэрт халхлагдах хугацаа нь нэг цаг 42 минут орчим байх гэнэ.
Монголчуудын хувьд энэ ховор үзэгдлийг Баасангаас Бямба гарагт шилжих шөнийн 03:30 цагаас 05:13 цагийн хооронд харах боломжтой. Энэ хугацаанд сар бүрэн хиртэх юм.
Эх сурвалж: ikon.mn
[sgmb id="1"][sgmb id="1"]
