Аймгийн Аудитын газраас төрийн болон орон нутгийн өмчит байгууллагуудын 2017 оны санхүүгийн тайланд нийцлийн аудит хийсэн байна. Энэ үеэр багагүй хэмжээний зөрчил дутагдал илэрчээ. Түүнд хамаарах 900 гаруй сая төгрөгийн алдаатай тайлагналыг залруулж, 40 гаруй сая төгрөгийн акт торгууль тогтоосон аж. Аймгийн А.Наранболд даргатай Гэр бүл, хүүхэд залуучуудын хөгжлийн газар аудитын шалгалтаар хязгаарлалттай гэсэн дүн авсан. Энэ байгууллагын ажилтнууд төрийн өмчийн 12 сая төгрөгийн эд хөрөнгийг үрэн таран хийж, хувьдаа завьшжээ. Өөрөөр хэлбэл, аудитаар ганцхан энэ байгууллагад материаллаг зөрчил илэрсэн байна. Өмнөх жилүүдийн аудитын шалгалтад ийм зөрчил гарч байгаагүй аж. Нийтдээ 12 сая төгрөгийн эд хөрөнгө завшсан энэ хэргийг хууль хяналтын байгууллагад шилжүүлээд байгаа тухай аудитынхан мэдээллээ.  Мөн ажил үүргээ хангалтүй биелүүлсэн 7 албан тушаалтанд хариуцлага тооцуулах саналыг эрх бүхий албан хаагчдад хүргүүлээд байгаа гэнэ. Зөрчлийн хувьд хязгаарлалттай дүгнэлт авсан 7 байгууллагын болох хурандаа Г.Ганбаатар даргатай Онцгой байдлын газар, Д.Оюунбаяр даргатай Хот тохижуулах газар зэргийн  хувьд санхүүгийн анхан шатны баримтын бүрдэл дутуу, түлш шатахууны зарцуулалтыг хэтрүүлсэн, баримтын бүрдэлт хийгдээгүй, норм хэмжээг хэтрүүлсэн зөрчил гаргасан учраас хязгаарлалттай гэсэн дүн авчээ. [sgmb id="1"]