Манай аймагт энэ 2018 онд улсын төсвийн 13 тэрбум 443.5 сая төгрөгийн хөрөнгө оруулалтаар 13 нэр төрлийн ажил хйигдэхээр болжээ. Үүнд: *** Хүүхэд хамгааллын төв байгуулахад *** Баянцагаан багийн төвийн инженерийн шугам сүлжээнд холбох *** Гэр хорооллын усан хангамжийг сайжруулах *** Бүрэнбүст багийн орон сууцны байруудын дээвэр засвар *** Рашаант багт 250 хүүхдийн сургууль барих *** “Эрдэнэт” цогцолбор сургуулийг өргөтгөж 928 хүүхдийн багтаамжтай болгох *** Яргуйт, Булаг багт тус бүр нь 150 хүүхдийн хүчин чадалтай цэцэрлэг барих *** Даваат багт 250 хүний суудалтай Соёлын төв барих *** Баянбулаг багт спорт заал барих *** Дөмөг захын уулзвараас 6-р хороолол хүртэлх 2.1 км авто замыг өргөтгөх ажил багтаж байна. Үүнээс гадна орон нутгийн төсвийн 4 тэрбум 220 сая төгрөгөөр хөрөнгө оруулалтын 26 нэр төрлийн ажил хийж гүйцэтгэх гэнэ. Үүнд: *** Өндөр толгойн баруун хэсэгт ЦДАШ, дэд станц барих *** Яргуйт багт АТП-15 дэд станцын хойд хэсэгт ЦДАШ, дэд станц барих *** 1-18, 1-20-р, 2-5-р байр, Уртын гол баг болон Булаг багийн 14, 45-р гудамж, Шанд багийн багийн 39-р гудамж,  Жаргалант сумын сумын Төмөр замын хорооллын хэсэгт амралт, чөлөөт цагийн талбай байгуулах *** 8 дугаар сургууль, 4 дүгээр сургууль, 5 дугаар сургуулийн гадна спортын иж бүрэн талбайг тохижуулах *** БОЭТ-ийн цахилгаан үүсгүүрийн барилга зэрэг багтжээ. Мөн нэг тэрбум 711.8 сая төгрөгөөр их засварын 38 ажил хийгдэнэ.  “Энэ жил хувьд хөрөнгө оруулалт, бүтээн байгуулалтын ажлыг гүйцэтгэгч компаниудын 90 хувь нь орон нутгийн аж ахуйн нэгжүүд байх болно. Түүнээс гадна ажиллах хүчний тодорхой хувийг аймгийн Хөдөлмөр, халамжийн үйлчилгээний хэлтэст бүртгэлтэй ажилгүй иргэдээс бүрдүүлнэ” гэдгийг Засаг даргын орлогч С.Батжаргал нээлтийн ажиллагааны үеэр онцолсон юм. Нийтдээ аймгийн хэмжээнд энэ онд 17.6 тэрбум төгрөгийн хөрөнгө оруулалт, бүтээн байгуулаглтын ажил хийгдэх юм. [sgmb id="1"]