Хөдөлмөр нийгмийн хамгааллын яам, Засгийн газрын хэрэгжүүлэгч агентлаг Гэр бүл хүүхэд залуучуудын хөгжлийн газраас төгсөх ангийн сурагчдад зориулан мэргэжил сонголтын аяныг явуулж байна. “Ирээдүйн эзэд” мэргэжил сонголтын аян хоёр дахь жилдээ үргэлжилж байгаа юм. Гуравдугаар сарын 1-нээс эхлэн хоёр сарын турш үргэлжлэх аянд сурагчдыг мэргэжил сонголтын сургалтад хамрууллаа. Г.Батдорж:  Хувь хүн, ажил мэргэжлийн онцлогийг судалж мэргэжлээ сонгох нь зүйтэй Их, дээд сургууль төгсөгчдийн 30 хувь нь  мэргэжлээрээ  ажиллаж байна гэсэн судалгаа гарчээ. Эзэмшсэн мэргэжлээрээ ажиллаж чадахгүй байгаа нь олон шалтгаантай ч  мэргэжлээ буруу сонгосноос үүдэлтэй гэдгийг мэргэжилтнүүд хэлдэг.  “Сурагчид мэргэжлээ сонгохдоо цалин өндөртэйг нь, аль эсвэл эцэг эхийн зөвлөснөөр, бусад хүмүүсийн сайн гэсэн мэргэжлийг сонгосноос болдог” хэмээн Засгийн газрын хэрэгжүүлэгч агентлаг ГБХЗХГ-ын дарга Г.Батцоож ярилаа. Ахлах ангийн сурагчдад мэргэжлээ сонгох, чухал шийдвэр гаргах хариуцлагатай үе тулгардаг. Өөрийн хүсэл сонирхол, боломжид нийцсэн ажил мэргэжлийг олсны дараа их дээд сургуулиа зөв сонгохыг мэргэжилтнүүд зөвлөж байна. “Ирээдүйн эзэд”  мэргэжил сонголтын аяныг зохион байгуулагчид заавал дээд боловсрол эзэмших гэлгүй хүссэн ажлаа л хийх хэрэгтэйг сурагчдад хэлж байлаа. Их дээд сургуульд сурч, хөрөнгө мөнгө зарсны дараа ажлын байртай болохын тулд хичээл зүтгэлтэй, мөрөөдөлтэй байхыг уриалсан лекц, сургалтыг  ахлах ангийнхан сонслоо. [sgmb id="1"]