Аймгийн Замын цагдаагийн тасгаас сар шинийн баярын өдрүүдэд зам тээврийн осол, хэргээс урьдчилан сэргийлж, замын хөдөлгөөнийг зохицуулан замын цагдаагийн алба хаагч, сонсогч нар үүрэг гүйцэтгэн ажиллажээ. Энэ үеэр согтуугаар тээврийн хэрэгсэл жолоодсон зөрчил цөөнгүй гарчээ. Дээрх зөрчлийн дийлэнх нь эгнээ байраа буруу эзлэх, согтуугаар тээврийн хэрэгсэл жолоодсоны улмаас автомашинтай мөргөлдөх, шүргэлцсэн зам тээврийн осол эзэлж байна. “Сүүлийн долоо хоногийн мэдээгээр согтуугаар тээврийн хэрэгсэл жолоодсон 46 зөрчлийг илрүүлж, болзошгүй зам тээврийн ослоос урьдчилан сэргийлэх арга хэмжээг авч ажилласан. Энэ жилийн сар шинийн баярын гурав хоногт зам тээврийн ослын улмаас нэг хүн амь насаа алдсан харамсалтай хэрэг гарлаа” гэж аймгийн Замын цагдаагийн тасгийн ахлах зохицуулагч, цагдаагийн хошууч Б.Батцэнгэл мэдээллээ. Манай аймгийн хувьд орон сууцны байр хоорондын авто зогсоолын талбай бага байдгаас иргэд автомашинаа зам дагуу хашлага давуулан зогсоож тавьдаг.  Харин сүүлийн жилүүдэд байр орон сууцны дундын авто замын өргөтгөлийг хийж  эхэлснээр дээрх зөрчил харьцангуй буурсан. Дулааны улирал эхэлж байгаа энэ үед иргэд автомашинаа ногоон байгууламж, хайс хашлага давуулж тавих, орон сууцны дундах хүүхдийн тоглоомын талбайд зогсоох зэрэг зөрчил нэмэгддэг. Үүнтэй холбогдуулан аймгийн Замын цагдаагийн тасгаас “Зогсох зогсоол” нэгдсэн ажиллагааг амжилттай явуулж дуусгасан байна. Цаашид энэ арга хэмжээг үргэлжлүүлнэ гэдгийг албаны хүн хэллээ. Мөн тусгай зориулалтын гэрлэн дуут дохиог зөвхөн албаны шаардлагаар цагдаа, эмнэлэг, харуул хамгаалалтын, Онцгой байдлын газар, яаралтай тусламж үйлчилгээ үзүүлдэг албан байгууллагууд ашигладаг журамтай. Сүүлийн үед жолооч нар автомашиндаа дуут гэрлэн  дохиог хэрэглэх тохиолдол гарах болсон. Энэ зөрчлийг таслан зогсоох үүднээс аймгийн Замын цагдаагийн тасгаас энэ сарын 28-наас эхлэн нэгдсэн арга хэмжээг зохион байгуулахаар болжээ.[sgmb id="1"]