[sgmb id="1"] Монгол улсын Засгийн газрын Хэрэг эрхлэх газар /ЗГХЭГ/-ын дэд дарга Б.Бат-Эрдэнэ “Эрдэнэс Монгол” группын ТУЗ-ийг ахлахаар боллоо. Өмнө нь тус группын ТУЗ-ийн даргаар Б.Даажамба ажиллаж байсан юм. Өнгөрсөн сард болсон Засгийн газрын хуралдаанаар түүнийг ЗГХЭГ-ын дэд даргаар томилжээ. Ингэснээр Б.Бат-Эрдэнэ давхар дээлтэй дарга болж байна. Учир нь ЗГХЭГ-ын дэд дарга төрийн өмчит “Эрдэнэс Монгол” группыг удирддаг байна. Байгуулагдсан цагаасаа хойших 10 жилийн хугацаанд “Эрдэнэс Монгол” ХХК стратегийн ач холбогдол бүхий ашигт малтмалын ордын тусгай зөвшөөрөл эзэмшигч хуулийн этгээдүүдийн төрд ногдох хувь, төрийн мэдлийн хувьцааг эзэмшиж, тэдгээрийн үнэ цэнийг нэмэгдүүлэх, үйл ажиллагааг өргөтгөх, ашигт ажиллагааг сайжруулах, гадаад, дотоодоос хөрөнгө оруулалт татах, нэмүү өртөг бий болгох, боловсруулах үйлдвэрийн төслүүд хэрэгжүүлэх, компаниудын үйл ажиллагааг Засгийн газрын бодлоготой уялдуулах зэрэгт анхаарч ирсэн. Өнгөрсөн онд “Эрдэнэс Монгол” нэгдэл нийт орлогын төлөвлөгөөгөө 103 хувь, цэвэр ашгийн төлөвлөгөөг 43 хувиар давуулан биелүүлжээ. Зардлын гүйцэтгэл төлөвлөсөн дүнгээс 9 хувиар хэмнэсэн байна. "Эрдэнэс Монгол" нэгдлийн харьяанд • “Эрдэнэс Оюу Толгой” ХХК, • “Эрдэнэс Таван толгой” ХК, • “Багануур” ХК,[sgmb id="1"] • “Шивээ Овоо” ХК-иуд багтдаг ажээ.