[sgmb id="1"] Аймгийн Засаг даргын энэ долоо хоногийн даваа гарагийн шуурхайг шалтгаангүйгээр тасалсан байгууллагын дарга нарт цалингийн арга хэмжээ авахыг Засаг дарга үүрэг болгосон. Энэ удаагийн шуурхайг шалтгаагүй тасалсан гэгдээд байгаа “Мэдээлэл харилцаа холбооны сүлжээ” төрийн өмчит компанийн захирал Г.Эрдэнэбат “Би албан ёсны ээлжийн амралттай байгаа” хэмээх тайлбарыг бидэнд хүргүүлээд байгаа. Бид энэ талаар аймгийн ЗДТГ-ын Төрийн захиргаа, удирдлагын хэлтсийн мэргэжилтэн, шуурхайн цаг бүртгэгч О.Санжмятаваас тодруулсан юм. -Г.Эрдэнэбат даргын хувьд албан ёсоор ээлжийн амралттай байгаа. Намайг оролж байгаа хүн шуурхайд суух ёстой. Би шуурхай хуралдааныг шалтгаангүйгээр таслаагүй гэж байна. Та бүхэнд энэ талаар ямар мэдээлэл байна вэ? -Г.Эрдэнэбат даргын ээлжийн амралттай байгаа эсэхийг би мэдэхгүй. Бидэнд тийм мэдээлэл өгөөгүй. -Хаанаас, хэн өгөх ёстой юм бэ, байгууллагын дарга нар өөрсдөө өгөх ёстой юм уу? -Аймгийн Засаг даргын туслах бидэнд хэлэх ёстой. Гэхдээ энэ удаад Г.Эрдэнэбат даргын хувьд ээлжийн амралттай байгаа гэдэг тухай бидэнд ямар ч мэдээлэл байхгүй байна. Харин сургалтанд сууж байгаа юм билээ. -Ямар сургалтанд? -Улаанбаатарт сургалтанд сууж байгаа, Эрдэнэтэд ирж очоод л яваа юм билээ. Энэ тухай бид мэдсэн. -Г.Эрдэнэбат дарга энэ долоо хоногийн шуурхай тасалсан гэж та өөрөө мэдээлсэн. Энэ хүнд тэгэхлээр ямар хариуцлага тооцох вэ? -Сургалтанд сууж байгааг нь мэдсэн. Аймгийн Засаг даргын өгсөн үүрэг даалгаврын дагуу бид байгууллагад нь албан бичиг явуулсан. Дарга нь сургалтанд сууж байгаа бол орных нь хүн шуурхайд ирэх ёстой. Ирээгүй байгаа хүнд хариуцлага тооцож хариу ирүүл гэдэг үүрэг өгсөн.