Тэртээ 1989 оны 12 дугаар сарын 3-нд Монгол улсад Ардчилсан хувьсгал эхлүүлж, хүний эрх, эрх чөлөө, шударга ёс, хүнлэг, ардчилсан нийгмийн төлөө анх удаа Эрдэнэт хотод тайван жагсаал хийсэн байдаг. Тэр ч утгаараа Эрдэнэтийг “Ардчиллын Өлгий” хэмээн нэрлэдэг нь учиртай. Түүхт 28 жилийн ойн өдөрт зориулан, Орхон аймгийн Ардчилсан нам, МоАХ-ны удирдлагууд ахмад зүтгэлтнүүд, азай буурлууд партизанууддаа хүндэтгэл үзүүлэн, хүчит бөхийн барилдаан зохион байгуулжээ. Монгол улсад 1989 оны 12 дугаар сарын 10-ны өдөр Ардчилсан хувьсгал өрнөж хаалттай, хүлээстэй байсан дарангуйлагч нийгмийг халж хүний эрх, эрх чөлөө, хэвлэн нийтлэх эрх, эвлэлдэх нэгдэх эрх зэрэг Ардчилалын үнэт зарчмыг авчирч Монгол улс шинэ цагийн түүхийг бичиж эхэлсэнээр өдгөө 28 жилийг үджээ [sgmb id="1"] Орхон аймгийн Ардчилсан нам Монголын ардчилсан холбооны удирдлагууд түүхт 28 жилийн ойг тохиолдуулан азай буурлууд, ахмад зүтгэлтнүүд партизанууддаа хүндэтгэл үзүүлэн хүчит бөхийн барилдаан зохион байгууллаа. Барилдаанд 64 бөх зодоглосон бөгөөд Аймгийн арслан Б.Уртбаяр түрүүлж , аймгийн арслан Н.Хишигдаваа үзүүрлэсэн бол аймгийн заан Г.Мягмардорж аймгийн начин Б.Чимэддорж нар шөвгөрлөө.