БНСУ-ын Шихэн хотын хөрөнгө оруулалтаар залуу гэр бүлийг дэмжсэн, залуусын орон сууцны хороолол барих ажил ирэх хавар эхлэх гэнэ. Энэ тухай аймгийн Засаг дарга Тэргүүлэгчдийн хуралдаан дээр мэдээлсэн юм. Залуусаа дэмжихийн тулд аймаг, орон нутгийн зүгээс орон сууцны хороолол барих газрыг нь үнэ төлбөргүй олгох талаар ажиллаж байгаа аж. Ингэснээр Эрдэнэт хотод баригдах залуусын хорооллын нэг метр квадрат байрны үнэ 1.1 сая төгрөгөөс хэтрэхгүй байхаар төлөвлөжээ. Улмаар залуу гэр бүлийг орон сууцаар хангахын тулд Ипотекийн зээлд хамруулах талын ажлыг ч орон нутгийн зүгээс холбогдох байгууллагад тавих гэнэ. Ямар ч байсан ирэх хавар БНСУ-ын Шихэн хотын хөрөнгө оруулалтаар Залуусын хорооллын бүтээн байгуулалтын ажил Эрдэнэтэд хотод өрнөх нь ээ.