[sgmb id="1"] Мэргэжлийн боловсрол сургалтын салбарын үнэ цэнийг нэмэгдүүлэх, нийгмийн түншлэлийг бэхжүүлэх, олон нийтийн оролцоог дэмжих зорилготой “Эрдэнэт түншлэл 2017” уулзалт, зөвлөгөөн болов. Орхон аймгийн “Эрдэнэт шинжлэх ухаан, технологийн парк” Орон нутгийн өмчит үйлдвэрийн газраас санаачлан зохион байгуулсан энэ удаагийн уулзалт зөвлөгөөнд Хангайн бүсийн таван аймгийн 10 МСҮТ-ийн төлөөлөл оролцож байна. Зөвлөгөөнд оролцогчид Хангайн бүсийн МСҮТ-үүдийн өмнө тулгамдаж байгаа хөгжлийн асуудлаар санал солилцох ажээ. Мөн Хангайн бүсийн МСҮТ-үүдийн мэдээллийн нэгдсэн систем үүсгэх, түүнийг арга зүйгээр хангахад чиглэгдсэн Европын холбооноос хэрэгжүүлж байгаа “ТМБССД-2” төслийн багийнхан мэргэжлийн сургалт үйлдвэрлэлийн төвийнхөний оролцоонд тулгуурлан *** МБС-ийн нийгмийн түншлэлийн хамтын ажиллагаа *** Сургууль-бизнесийн байгууллагын хамтын ажиллагаа *** Тэргүүн туршлага түгээн дэлгэрүүлэх *** ХЗЗ-ийн эрэлт нийлүүлэлтийн өнөөгийн байдал *** Харилцан санал солилцож чиглэлээ тодорхойлох *** БАЗТ-ийн дэргэд мэргэжил арга зүйн зөвлөл байгуулах зэрэг сэдвээр зөвлөлдөж байна.