Аймгийн Засаг даргын энэ оны шуурхай өнөөдөр отголов. Отгон шуурхайг аймгийн Засаг даргын орлогч А.Түвшинжаргал удирдан явууллаа. Улиран одож буй 2022 оны сүүлчийн шуурхай учраас А.Түвшинжаргал даргын зүгээс энэ 7 хоногт цас мөсөө арилгах үүрэг даалгаврыг өглөө. Өнгөрөгч амралтын хоёр өдрөөр ахиухан хэмжээний цас орсон. Хот тохижуулах газрын 130 гаруй албан хаагч цас мөстэй нүүр тулан ажиллаж байгаа талаар байгууллагын дарга нь дуулгасан.

Шуурхайг удирдсан А.Түвшинжаргал даргын зүгээс аймгийн хэмжээнд төрийн данстай 4300 гаруй албан хаагч байдаг. А1001 замыг оролцуулахгүйгээр хот доторх болон гэр хорооллын дундах хар замын нийт урт нь 130 гаруй км. Үүний цас мөсийг цэвэрлэхийг үүрэг болголоо. Мөн албан байгууллагууд өөрийн эзэмшлийн болон эргэн тойрны 50 метр замын цас мөсийг цэвэрлэх, цэвэрлэсэн дүн мэдээг нэгтгэн гаргах “гэрийн даалгавар” өгсөн юм.