Орхон аймгийн Иргэдийн Төлөөлөгчдийн хурал МАН, АН нэг хүний зөрүүтэй байгуулагдахаар анхны хуралдаанаа энэ сарын 18-нд зарлаад байгаа. Өмнөх жилүүдэд нэг нам олонхиороо ярсхийтэл гараа өргөн даргаа сонгож, засгаа байгуулаад явж ирсэн. Харин өнөөдөр байдал өөрөөр эргэсэн. Намууд зөвшилцлийн ширээний ард сууж, тохиролцоонд хүрэхгүй бол хуралдаан хүчин төгөлдөр болохгүй магадлалтай. МАН, АН аймгийн Хурал, Засаг даргын Тамгын газраа 50, 50 хувиар авч явах уу, эсвэл гэдэг гацаанд орсон. Сөрөг хүчнээр найман жил ажилласан АН-ын хороо энэ удаад бодлого гаргах түвшинд адил тэнцүү оролцож, Хуралд сонгогдсон залуу төлөөлөгчдөө сургах, цаашлаад намын Мөрийн хөтөлбөрөө ажил хэрэг болгоход тэдэнд боломж хэрэгтэй. Энэ сарын 18-нд аймгийн Сонгуулийн хорооноос товлосон анхны хуралдаан Хурлын даргаа хэрхэн сонгох, Засгаа яаж байгуулах нь эрдэнэтчүүдийн анхаарлын төвд байсаар байна.