Аймгийн Байгаль орчны аялал жуулчлалын газраас Монгол Улсын Ерөнхийлөгчийн санаачилгаар хэрэгжүүлж буй “Тэрбум мод” үндэсний хөдөлгөөний хүрээнд бүх нийтээр мод тарих хаврын ажлын явцын талаарх мэдээг танилцууллаа.

-Тарлан толгойн ойн төгөлд төрийн 68 байгууллага 8566 ширхэг мод тарихаар төлөвлөснөөс 65 байгууллага 4966 ширхэг мод тарилаа. Мөн Баян-Өндөр сумын ЗДТГ, багуудын Ажлын алба, 1050 ширхэг мод нийт 6016 ширхэг мод тарьжээ.

-Сархиа уулын баруун салааны Боловсролын байгууллагын нэрэмжит төгөлд 24 сургууль, 39 цэцэрлэг 745 ширхэг шинэс мод,

- Хүрэн булгийн амны ойн төгөлд Байгаль орчны менежмент төлөвлөгөө хэрэгжүүлэгч Ник, Петровис, Шунхлай, Магнай трейд зэрэг  аж ахуй нэгжүүд 920, Баян-Өндөр уулын урд энгэрийн ойн төгөлд Байгаль орчны менежмент  төлөвлөгөө хэрэгжүүлэгч Эрдэнэт хивс, Ора металл, Юни газ, Шилэн цамхаг зэрэг байгууллагууд 250 ширхэг мод тарьжээ.

-“Тэрбум мод” үндэсний хөдөлгөөнийг дэмжин оролцох гэрээний дагуу “Эрдэнэт үйлдвэр” ТӨҮГ 887 ажилтан, албан хаагчдын оролцоотой 3548 ширхэг мод, үйлдвэрийн ногоон төгөлд 150 ажилтан, албан хаагчид Хангал голын эх татмын ойжуулалтад 250 ширхэг, нийтдээ 3798 мод тарив.

-Зэс Эрдэнийн хувь ХХК-ийн ойн зурваст 500 ширхэг хайлаас модны суулгац,

- Жаргалант суманд 260 иргэн, айл өрх, албан хаагчид 2800 ширхэг мод тарьлаа. Үүнээс 2500 ширхэг бут сөөг, 300 мод багтжээ.

-Урьдчилсан байдлаар 4966 төрийн ажилтан албан хаагч, “Эрдэнэт үйлдвэр”-ийн 1037 ажилтан, уурхайчдын оролцоотой нийт 15944 ширхэг мод тариад байна.

-Цаашид Тарлан толгойн энгэрт Аймгийн БОЭТ 500 ширхэг бургас, Цагаанчулуутын амны ойн санд “Оиска Монголиа” ХХК 15000 ширхэг мод, Эрдэнэт хаалга орчмын ойн зурваст Ахмадын холбоо, Шар чулуутын амны ойн санд “Ачит Ихт” ХХК мод тарих, Эмнэлгийн арын ойжуулалтыг мэргэжлийн байгууллагаар гүйцэтгүүлэх, Сархиа уулын хийморийн овооны бэлийн ойн төгөлд нөхөн тарилт хийх, таримал модны хаврын цэнэг усалгаа, гэр хорооллын “Өрх бүр таван ширхэг мод” аян өрнүүлэх зэрэг ажлыг хэрэгжүүлэхээр бэлтгэл хангаж байна.