Аймгийн Засаг даргын санаачилгаар 2024 оны орон нутгийн төсвийн хөрөнгө оруулалтаар хийх ажилд иргэдийн саналыг авах “Санаачилгатай Эрдэнэт хүн” төсөл хэрэгжиж байна.  Иргэн таны амьдарч буй орчинд тулгамдаж буй асуудал, түүнийг шийдвэрлэх, сайжруулах санал байгаа бол  https://docs.google.com/.../1FAIpQLSdkvYiMMTH2PG.../viewform  
холбоосоор саналаа өгөхийг уриалж байна. 

Хөрөнгө оруулалтад иргэдийн саналыг  тусгаснаар орон нутгийн үйл ажиллагааны ТӨЛӨВЛӨЛТ, ХЭРЭГЖИЛТ, ХЯНАЛТ-ын шатуудад иргэдийн оролцоо нэмэгдэж, ил тод мэдээлэлтэй болох юм. Мөн  цаашид хэрэгжүүлэх ажлуудын үр дүн нэмэгдэн иргэд ая тухтай  амьдрах орчин, нөхцөл бүрдэж  бүс нутгийн хөгжлийн тэнцвэртэй байдал хангагдана. 

Орхон аймгийн 20 мянган айл өрх бүрээс хүн нэг бүрийн саналыг авах нь энэхүү төслийн зорилго, ач холбогдол юм.  Иргэн та ямар нэгэн байдлаар бичгээр  саналаа өгөх боломжгүй бол утсаар холбогдох,  цахим холбоос болон QR кодыг уншуулан саналаа өгөх боломжтой.
Хотынхоо хөгжил, бүтээн байгуулалтад үнэтэй хувь нэмэр оруулан гэр бүл, үр хүүхдийнхээ амьдрах орчныг сайжруулахад үнэтэй саналаа өгч буй иргэн  танд баярлалаа.

Санал өгөх утасны дугаар: 99334100, 99354297