Аймгийн ИТХ-ын дарга Д.Мөнхбатын зүгээс “Хичээлийн шинэ жилийн нээлтэд дарга нар, аймаг сумын төлөөлөгч оролцдог. Тэднийг хүлээгээд наранд халаад боороонд нороод зогсдог байдлыг өөрчлөх хэрэгтэй. Шинэ арга хэлбэрээр 2023-2024 оны хичээлийн шинэ жилийн нээлтийг зохион байгуулах тухай” саналаа хэлж холбогдох албаныханд үүрэг өгсөн. Энэ хүрээнд 2023-2024 оны хичээлийн жилийн нээлтийн талаар аймгийн БШУГ-ын дарга О.Ариунгэрэлт аймгийн Засаг даргын шуурхайд мэдээлэл хйисэн юм. Тэрбээр “Сургуулиуд хичээлийн шинэ жилийн нээлтэндээ аймаг сумын ИТХ-ын төлөөлөгчдийг урилгаар оролцуулна. Гэхдээ төлөлөгчид үг хэлэхгүй. Сургуулийн захирал нь сургуулийнхаа хичээлийн шинэ жилийг нээнэ. Сургуулийн захирал хичээлийн шинэ жилийг угтаж сургуулийн зүгээс боловсон хүчин хийгээд хөрөнгө оруулалт хийгдсэн талаар эцэг эхчүүдэд мэдээлэл өгөөд мөн дээр нь нэгдүгээр ангид элсэн суралцагчиддаа хүндэтгэл үзүүлэх байдлаар нээлтийг зохион байгуулна.  Хичээлийн шинэ жилийн нээлт есдүгээр сарын 1-ний өглөөний 08.00 цагт болно. Нээлт цагтаа л эхэлнэ.  Хичээлийн шинэ жилийн нээлтэд дарга нар, төлөөлөгчид үг хэлэхгүй, харин оролцож болно” гэлээ.