Аймгийн ИТХ-ын Зөвлөлийн хурлаар хичээлийн шинэ жилийн бэлтгэл ажлын талаар болон сурагчдын сурах бичгийн хүрэлцээ хангамжийн талаар хуралдсан. Энэ үеэр аймгийн БШУГ-ын дарга О.Ариунгэрэлт “Аймгийн хэмжээнд ном сурах бичгийн хүрэлцээ хангамж хэвийн байгаа. Сурагчид сургуулийнхаа номын сангаас сурах бичгийг 6500-гаас 19 мянган төгрөгөөр түрээсээр авч хэрэглэдэг. Түүнээс хоёр сурагч дундаа нэг сурах бичигтэй, нэг ангийн 40 сурагчийн 20 нь номтой, үлдсэн нь номгүй байсан тохиолдол байхгүй. Харин эцэг эхчүүд л манай хоёр хүүхэд нэг ширээнд суудаг. Тиймээс дундаа нэг ном сурах бичиг хэрэглэе гэдэг санал гаргадаг шүү. Түүнээс биш Ном сурах бичиг хангалттай байгаа.  Энэ хичээлийн жилээс шинээр ирж байгаа сурах бичиг манай байгууллагад биш шууд сургууль дээрээ нийлүүлэгддэг болсон. Бид мэдээллийг нь цахимаар авч хянаж байгаа.

Сурагчийн дүрэмт хувцасны үнэ нэмэгдээгүй. Улсын хэмжээнд сурагчийн дүрэмт хувцас үйлдвэрлэдэг 8 компани бий. Тэд үнээ нэмээгүй. Харин хятадаас наймаачид дүрэмт хувцас оруулж ирдэг. Тэдний үнэ дээрх 8 компанийн дүрэмт хувцаснаас ч хямдхан байгаа. Аймгийн хөрөнгө оруулалт болох 2 тэрбум төгрөгөөр сургуулийн ширээ сандлыг шинэчилсэн. Бүх сургуульд хүртээмтэй хуваарилсан” гэсэн юм.