Орлогод нийцсэн орон сууц төслийн хүрээнд Уртын гол багт баригдаж буй 258 айлын орон сууцны эхний 2 блок ашиглалтад орж байгаа. Энэ 2 блокын 77 байрыг иргэдэд 100 хувь худалдан борлуулах тухай шийдвэрийг гаргажээ. Мөн эхний 2 блокод нийт 30 автомашины зогсоол буюу гарааш байгаа аж. Энэ талаар Ажлын хэсгийн гишүүн Ц.Эрдэнэчимэг “Нэг блок байрны доор 15 автомашины зогсоол байгаа. Ашиглалтад орсон 2 байранд нийт 30 гарааш буюу зогсоол бий. Зогсоолыг аймгийн ИТХ-ын тогтоолоор нэг бүрийг нь 21 сая 381 мянган төгрөгөөр үнэлсэн. Мөн л 100 хувиар худалдан борлуулна” гэлээ.
